श्री आशिष बिवलकर
चित्रकाव्य
– दोन ऑक्टोबर… – ☆ श्री आशिष बिवलकर ☆
☆
दोन ऑक्टोबर | नेत्यांहाती झाडू |
स्वच्छता आवडू | लागे त्यांना ||१||
☆
स्वच्छता संदेश | देण्या चढाओढ |
दामटती घोडं | दिखाव्याने ||२|||
☆
वर्षभर चाले | कचरा साम्राज्य |
भाग अविभाज्य | व्यवस्थेचा ||३||
☆
‘ड्राय डे’ म्हणून | आडवी बाटली |
गर्दीच लोटली | काल तिथे ||४||
☆
तळीराम करी | आधीच बेगमी |
पडू नये कमी | एक प्याला ||५||
☆
सूटबूट वाले | चालवी चरखा |
चढवी बुरखा | स्वदेशीचा ||६||
☆
एक दिवसाचा | केवळ दिखावा |
बापूनांही ठावा | बिब्बा म्हणे ||७||
☆
… १ ऑक्टोबर… महाकवी ग. दि. माडगूळकर यांचा जन्मदिवस… साहित्यातल्या या तेजोमय भास्कराला विनम्र प्रणाम…
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
