श्री तुकाराम दादा पाटील
कवितेचा उत्सव
☆ रास… ☆ प्रा तुकाराम दादा पाटील ☆
(आनंदकंद)
☆
भाऊक प्रेमिकाला उरणार आस नाही
या कागदी फुलांना मदधुंद वास नाही
☆
माणूस स्वाभिमानी नसतो परावलंबी
लाचार होत कोठे खाणार घास नाही
☆
स्वातंत्र्य प्रेम ज्याला निर्धास्त तोच होतो
तो ही कधी कुणाचा होणार दास नाही
☆
बाजार भोवतीचा भलता भणंग झाला
जगण्यास आज कोठे कसलाच ध्यास नाही
☆
झाल्या प्रदूषणाने जेरीस जीव आला
वारा निकोप येथे घेण्यास श्वास नाही
☆
विपरीत काळ झाला खोट्यास मोल आले
सत्तेत हेच आहे नुसताच भास नाही
☆
कृष्णास आज राधा शोधून सापडेना
वृंदावनात आता घडणार रास नाही
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
