श्रीशैल चौगुले
कवितेचा उत्सव
☆ अनुमान… ☆ श्रीशैल चौगुले ☆
☆
अनुमान लावून कधी, जगणे होत नाही
वचनांची देऊन हमी, भेटणे होत नाही.
☆
आयुष्याची उघडी पाने, मोजणे होत नाही
भावनांनी वेढली मने, वेचणे होत नाही.
☆
हृदयाची केवळ भाषा, बोलणे होत नाही
विस्कटले हवेत क्षण, जोडणे होत नाही.
☆
विरहाचे बंधन दुःख, आकार होत नाही
नजरेत स्वप्नांचे चित्र, साकार होत नाही.
☆
कवणांची साधता साथ, आकांत होत नाही
शब्दांनीच बांधता गाठ, एकांत होत नाही.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
