श्री प्रमोद वामन वर्तक
कवितेचा उत्सव
☆ 😔 मृगजळाचा शाप ! 😞 ☆ श्री प्रमोद वामन वर्तक ☆
☆
चपल मोठे माझे मन
धावे सदा सुखा पाठी,
जरी पोहले तृप्त सागरी
तरी बसले कोरडे काठी !
*
नाही समाधान अंतरात
कमी वाटे काही सुखात,
खुपे दुसऱ्याचे डोळ्यात
सदा खळखळ मनांत !
*
करता पाठलाग सुखाचा
लागे जीवास घोर भारी,
हाती आले वाटता वाटता
घेई डोळ्यासमोर भरारी !
*
थकलो धावता सुखामागे
लागली मरणाची धाप,
उशीर झाला मज कळण्या
त्याला मृगजळाचा शाप !
त्याला मृगजळाचा शाप !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
