श्री रवींद्र सोनावणी
कवितेचा उत्सव
☆ शारदा स्तवन… ☆ श्री रवींद्र सोनावणी ☆
☆
ही फुले कागदी, मम शब्दांची माते,
कोठुनी, कसा, मग सुगंध यावा त्यांते?
ही असता जाणीव, मनांत माझ्या नित्य,
निर्मिली पूजेस्तव, तुझ्या परी हे सत्य –
*
जरी नसे तयांना, सुगंध आणि मृदूता,
रिझवीन रसीका, प्रती रंग मोहकता,
तव चरणी नाही, नसो तयांचा वास,
शृंगारीन मंदिर, तुझे तयांनी खास –
*
तव विशाल मंदिर, पाहून मी नत होतो,
बेधुंद होवुनी, कधी नाचतो गातो,
गाण्यांत नसू दे शब्द, सूर वा ताल,
कौतुके स्वीकारी, जरी बोबडे बोल –
☆
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
