श्री आशिष मुळे
कवितेचा उत्सव
☆ “इंद्रधनुष्य…” ☆ श्री आशिष मुळे ☆
☆
पसाऱ्यात साऱ्या तुला शोधतो आहे
पसरल्या रंगांत, मी आसमंत शोधतो आहे
*
दगड दगडावरी मारीत बसलो आहे
घोळक्यात इथल्या मी एकटाच आहे
*
तू येणार नाहीस, जरी हे निश्चित आहे
मी निश्चिंत, कारण मीही फकीर आहे
*
नको मानुस वाईट, माझी ही चंचलता
मी समजूनच घेत आहे, तुझी निश्चलता
*
दाखवलेस ना मला अंतरंग थोडेसे तुझे
बघ मी इंद्रधनुष्य आता उचलले आहे माझे
☆
© श्री आशिष मुळे
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
