श्री प्रमोद वामन वर्तक
चित्रकाव्य
श्वान परिषद ☆ श्री प्रमोद वामन वर्तक ☆
☆
बिन मेजाची गोलमेज
भरली होती रस्त्यावर,
आले सगळे आवर्जून
चर्चा करण्या प्रस्तावावर !
*
टॉम, टायगर दोघे होते
श्वान परिषदेचे कन्व्हेंनर,
विसरून सारे जातीभेद
गोल बसले दोन पायावर !
*
तुमच्या त्या उपवासाला
दूधभात नाही चालणार,
रोजच्या सारखे आम्ही
चिकन मटणच खाणार !
*
आमचे भुंकण्याचे स्वातंत्र्य
तुम्ही कोण हिरावून घेणार ?
आम्हाला वाटेल तेंव्हा आम्ही
कधीही, कोणाही चावणार !
*
यापुढे कधी दिलात त्रास
तुम्हांला कोर्टात खेचणार,
आमच्यातर्फे आमची केस
मायबाप “PETA” लढवणार !
मायबाप “PETA” लढवणार !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
