श्री रवींद्र सोनावणी
कवितेचा उत्सव
☆ कामगार दिन… ☆ श्री रवींद्र सोनावणी ☆
घाम गाळूनी काम करिशी तू
काय तुला तो दाम मिळे
तुझ्या कारणे जागोजागी
इमल्यावर उठती इमले
*
जिथे म्हणून दिसते उत्पादन
तिथे तुझे श्रमदान असे उभारणीला
नव-निर्मितीला तुझ्याविना पूर्णत्व नसे
*
मजल्यावरती चढवून मजले
तुच भिड विशी गगनाला
तुला निवारा झोपडीमध्ये
काय म्हणावे दैवाला
*
तुझ्या श्रमाचे मोल उमगले
शासनास जागृती आली
कष्टक-यांना अन् मजुरांना
मानाची वंदना दिली
*
तव घामाला गंध गवसला
मिळे प्रतिष्ठा कष्टाला
“कामगार दिन” हा तव गौरव
“मे” च्या पहिल्या दिवसाला
*
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
