महंत कवी राज शास्त्री
हे शब्द अंतरीचे # 177
☆ अभंग… ☆ महंत कवी राज शास्त्री ☆
☆
स्नेहबंध भाव, अंतरी असावा
बोचरा नसावा, भाव कधी.!!
*
माणूस पणाचा, दाखला देयावा
निर्भेळ करावा, कारभार.!!
*
गर्व सोडूनिया, धर्म आचरावा
अधर्म टाळावा, कटाक्षाणे.!!
*
दुसऱ्यांचे दोष, नचं वर्णवावे
नचं दाखवावे, बोट कधी.!!
*
स्वतःला तयार, करावे तत्पर
अनेक आभार, जोडोनिया.!!
*
उगवता सूर्य, बुडतो विझतो
क्षितिज गिळतो, तप्त गोळा.!!
*
कलीचे वर्तन, समजून घ्यावे
आहे तेच द्यावे, नम्रभावे.!!
*
कवी राज म्हणे, शब्दांचे मनोरे
अभंगाच्या द्वारे, रचियतो.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
