श्रीशैल चौगुले
कवितेचा उत्सव
☆ पराधीन... ☆ श्रीशैल चौगुले ☆
☆
मी नव्हतो कधी कुणाचा
मी नसतो कधी कुणाचा
आपुल्याच अंतरंगात
शोधतो ‘मी’ पुन्हा-पुन्हाचा.
पांघरुन देह लक्तर
अवयव कला-गुणांचा
चिंतनात दृढ जिज्ञासा
ठाव घेई मना-मनांचा.
हे एकांतच मज प्रीय
भाव भक्ती प्रेम प्राणाचा
मी नितांत जगतो मला
वेध वृत्ती बीज तृणांचा.
अवघे समुद्र पिऊन
अतृप्त किनारा कुणाचा
विशाल अंबर केवळ
सृष्टित पराधीन पेचा.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
