श्री आशिष बिवलकर
चित्रकाव्य
– हरवत चाललं आहे बालपण … – ☆श्री आशिष बिवलकर ☆
☆
हरवत चाललं आहे बालपण,
मोबाईलच्या व्यसनात |
अभ्यास, मैदानी खेळ, वाचन
गुंडाळून ठेवलंय बासनात |
*
भूलभुलैय्या या आभासी दुनियेत,
सगळेच झालेत रममाण |
कोवळ्या वयात डोळे मेंदूवर,
पडू लागलाय असह्य ताण |
*
दोन जीबी डेटाचा रोजचा,
मोबाईलला लागतो खुराक |
अनलिमिटेड वायफाय असेल
तर सर्वच वेळ बेचिराख |
*
लुडो, पब्जी , ऑनलाइन रमी,
क्रिकेट सारेच ऑनलाईन गेम |
भावी पिढीचे व्हावे नुकसान,
हाच आहे एकमेव नेम |
*
असामाजिक तत्व मोबाईल आडून,
मुलांच्या आयुष्यात घुसत आहेत |
तुमचं आमचं साऱ्याच राष्ट्राचं,
उज्वल भविष्य नासवत आहेत |
*
प्रिय सुजाण पालकांनो,
नका पुरवत जाऊ असे बालहट्ट |
वेळ देत रहा पाल्याला,
नात्यातील वीण होऊ द्या घट्ट |
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
