सुश्री त्रिशला शहा
कवितेचा उत्सव
☆ निसर्गाचे रुप… ☆ सुश्री त्रिशला शहा ☆
☆
असा कसा हा व्दाड निसर्ग
क्षणात पालटी रुप आपले
होती समोर नागमोडी वाट
कशी हरवली आता धुक्यात
*
मेघ उतरले धरणीवरती
दाटे काळोख सभोवती
सुटे सोसाट्याचा वारा
वाट कुठेच दिसेना
*
डोंगराच्या पायथ्याशी
दिसे एक टपरी चहाची
घेऊ चहासवे वाफाळत्या
भाजीव कणसे आणि भजी
*
भुरभुर पावसाची चाले
ढग हलके थोडे झाले
धुके बाजूस सरले
थोडे थोडे उजाडले
*
हरवलेली वाट धुक्यात
आता दिसाया लागली
दोन्ही बाजूच्या झाडातून
नागमोडी चाललेली
☆
© सुश्री त्रिशला शहा
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
