सुश्री नीलांबरी शिर्के
कवितेचा उत्सव
☆ प्रचिती… ☆ सुश्री नीलांबरी शिर्के ☆
☆
जिकडे तिकडे अतिवृष्टी
पावसाची सुरू संततधार
कितीक गावे पाण्याखाली
आणि नुसता हाहाकार
*
जंगलतोड अमाप झाली
सैल आपसूक माती झाली
प्रवाहीत पाणी रेट्याने
दरडी कोसळ सुरू जहाली
*
जीवन वाचवणारे जिवन
आज मरणाचे कारण झाले
किती जीव,किती आसरे
रौद्ररूपातच वाहून गेले
*
वाहतुक कुठे ठप्प जहाली
पिके बुडाली पाण्याखाली
निसर्गापुढे मानव इवलासा
याची पुन्हा प्रचिती आली
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
