श्री सुनील देशपांडे
कवितेचा उत्सव
☆ “खर्च करा वा सहन करा…” ☆ श्री सुनील देशपांडे ☆
☆
असतील पैसे खर्च करा
नसतील पैसे सहन करा
*
योजना आली त्वरा करा
फॉर्म भरा लाईन धरा
असतील पैसे खर्च करा
नसतील पैसे सहन करा
*
कुठेही जावे कामासाठी
अर्ज विनंती किती करा
असतील पैसे खर्च करा
नसतील पैसे सहन करा
*
ऊन कडsक हवी हवा ?
कोठे अडला निसर्ग वारा
असतील पैसे खर्च करा
नसतील पैसे सहन करा
*
आकाशातुन कोसळधारा
जरी पाणी पाणी घराघरा
असतील पैसे खर्च करा
नसतील पैसे सहन करा
*
ज्ञानाची तुम्ही कास धरा
गुरु हवा? मग शोध करा
असतील पैसे खर्च करा
नसतील पैसे सहन करा
*
निसर्ग आठवे गावाकडचा
पुन्हा जायची कास धरा
असतील पैसे खर्च करा
नसतील पैसे सहन करा
*
सुंदर स्वप्नांचे आश्वासन
जरी नेत्याची पाठ धरा
असतील पैसे खर्च करा
नसतील पैसे सहन करा
*
गरिबांचा जो वाली दिसतो
खाजगीत तुम्ही बात करा
असतील पैसे खर्च करा
नसतील पैसे सहन करा
*
नव्या युगाचा मंत्र नवा
जाणून घ्या ध्यानी धरा
असतील पैसे खर्च करा
नसतील पैसे सहन करा
☆
© श्री सुनील देशपांडे
email : [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
