मराठी साहित्य – कवितेचा उत्सव ☆ आडवं येतय वय आता!… ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

☆ 🤠 आडवं येतय वय आता!…😜 ☆ श्री प्रमोद वामन वर्तक ☆

😝 आजच्या “सिनिअर सिटीझनडेच्या” निमित्ताने, माझ्यासकट सत्तरीपार सर्व तरुण म्हाताऱ्यांसाठी !😍

☆

जड पिशवी उचलतांना

फुलतो छातीचा भाता,

मनाने मानले नाही तरी

आडवं येतय वय आता !

*

स्मार्टफोन हाताळतांना

छोटा नातू नाराज करतो,

फोन हातातला घेऊन

“लेट मी शो यू” म्हणतो !

*

कधी टेनिस खेळतांना

सार शरीर संप करते,

“कॅरमला” नाही पर्याय

मन निक्षुन त्या बजावते !

*

धावती बस धरण्याचा प्रयत्न

शरीर आता हाणून पाडते,

‘ओला’ शिवाय नाही तरणोपाय

मन त्याला पुन्हा समजावते !

*

पाहून एखादी रूपगर्विता

शिट्टी मारण्या मन मोहवते,

पण तोंडातून फक्त हवा जाता,

खरी ताकद शरीराची कळते !

खरी ताकद शरीराची कळते !

☆