सौ.उज्वला सुहास सहस्त्रबुद्धे
कवितेचा उत्सव
☆ गणेशाचे आगमन… ☆ सौ.उज्वला सुहास सहस्त्रबुद्धे ☆
☆
गेले श्रावणाचे पाऊल,
लागे भादव्याची चाहूल!
हिरव्या दुर्वांची दिसे माळ,
अन जास्वंदी लाल लाल!… १
*
रुळते सोंड छातीवर,
दोंद त्याचे असे मोठे!
कान त्याचे हत्तीपरी,
सुपा सारखेच वाटे !…. २
*
छोटे छोटे डोळे त्याचे,
बघती सारी लगबग !
आपल्या आगमनाने,
आली सर्वांनाच जाग. !… ३
*
येतो पाहुणा म्हणून,
पृथ्वीवरी चार दिस !
त्याच्या आनंदात करू,
मोदकाचा गोड घास !…. ४
*
बुद्धिदाता, एकदंत,
सर्वांस प्रिय असतो !
त्याचे आगमन न्यारे,
साऱ्यांनाच मोद देतो !…. ५
☆
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
