श्री प्रमोद वामन वर्तक
कवितेचा उत्सव
🙏 एक धागा सुखाचा… 🙏 
श्री प्रमोद वामन वर्तक
☆
एक जरी असला धागा
हवा खरच तो अतूट,
भार झेलून दु:खांचे
दूर करेल जो संकट !
*
धागा धागा घट्ट विणूनी
करा मग वस्त्र तयार,
कला कुसर अशी करा
लागावी लोकांची नजर !
*
सुखाचा पाऊस पडण्या
मग लागे कितीसा वेळ,
पण विसरू नका घालण्या
सुख दुखःचा ताळमेळ !
*
शंभर पहाड पडले
जरी तुम्हावर संकटांचे,
न डगमगता आळवा
मग श्लोक तुम्ही मनाचे !
*
धागे मग दु:खाचे अंती
जाती पार बघा लयाला,
मन होईल इतके आनंदी
जणू हात लागे गगनाला !
*
दु:खाचे पण असेच असते
जास्त कुरवाळायचे नसते,
आपण लक्ष दिले नाही तर
ते हरून कोपऱ्यात बसते !
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
