डॉ. ज्योती गोडबोले
इंद्रधनुष्य
☆ ‘नामा म्हणे आता लोपला दिनकर.. ।।‘ – लेखक : संत नामदेव ☆
☆
नामा म्हणे आता लोपला दिनकर.. ।।
*
देव निवृत्ति यांनी धरिले दोन्ही कर ।
जातो ज्ञानेश्वर समाधीसी ॥१॥
*
नदीचिया माशा घातलें माजवण ।
तैसें जनवन कलवलें ॥२॥
*
दाही दिशा धुंद उदयास्ताविण ।
तैसेंचि गगन कालवलें ॥३॥
*
जाऊनि ज्ञानेश्वर बैसले आसनावरी ।
पुढें ज्ञानेश्वरी ठेवियेली ॥४॥
*
ज्ञानदेव म्हणे सुखी केलें देवा ।
पादपद्मीं ठेवा निरंतर ॥५॥
*
तीन वेळां जेव्हां जोडिलें करकमळ ।
झांकियेले डोळे ज्ञानदेवें ॥६॥
*
भीममुद्रा डोळा निरंजनीं लीन ।
जालें ब्रह्मपूर्ण ज्ञानदेव ॥७॥
*
नामा म्हणे आता लोपला दिनकर ।
बाप ज्ञानेश्वर समाधिस्थ ॥८॥
☆
— समाधीचे अभंग (६७)
संत श्रीनामदेव महाराज
प्रस्तुती : डॉ. ज्योती गोडबोले
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
