मराठी साहित्य – कवितेचा उत्सव ☆ मोक्षमुक्ती धाम… ☆ श्री शरद कुलकर्णी ☆

श्री शरद कुलकर्णी

 कवितेचा उत्सव 

☆ मोक्षमुक्ती धाम… ☆ श्री शरद कुलकर्णी ☆

☆

पंख परीचे घेउन,

नीज डोळ्यावर आली.

चेटकिणीच्या भयाची,

कथा इथेच संपली.

*

जावळात अजूनही,

तुझी फिरतात बोटे.

हरवल्या शैशवात,

आई अंगाईत भेटे.

*

थोडा निर्मम होउन,

मांड भातुकली डाव.

मोहमायेच्या संसारी,

शोध मोक्षमुक्ती धाम.

☆

© श्री शरद  कुलकर्णी

मिरज

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈