सौ. उज्वला सुहास सहस्रबुद्धे
☆ नारीशक्ती… ☆ सुश्री उज्वला सुहास सहस्रबुद्धे ☆
☆
नारी शक्ती, तुजवर भक्ती,
साऱ्या दुनियेची !
जरी शिवाची महती मोठी,
कीर्ती पार्वतीची!
*
द्रौपदी, तारा, मंदोदरी त्या,
झाल्या पुराणात!
रूपे त्यांची पुढे बदलली,
आधुनिक काळात!
*
झाशीची ती राणी लक्ष्मी,
झाली तडफदार!
वीर तारा, येसू झुंजल्या!
घेऊन तलवार!
*
कास धरून शिक्षणाची ती,
मनी एकच ध्यास,
हाती घेई पाळण्याची दोरी!
उध्दरी बालकांस!
*
समानतेच्या सर्व संधींचा,
घे तूच फायदा !
नारी असशील तरी जगी,
मिळव शक्ती, ज्ञान, संपदा!..
☆
© सुश्री उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
