महंत कवी राज शास्त्री
हे शब्द अंतरीचे # 202
☆ मातृशक्ती… ☆ महंत कवी राज शास्त्री ☆
☆
जिच्या स्पर्शाने फुलते धरती,
जिच्या प्रेमाने उघडती दारं,
ती आहे सृजनाची जननी,
तीच जगाची जीवनधार.!!
*
अश्रूंमध्ये तिची शक्ती,
संघर्षांशी झुंजायचं बळ,
तिला अडवायचं का बरे सांगा?
तीच ठरविते नवे भविष्यतळ.!!
*
नाजूक म्हणुनी दुर्बल न ठरवा,
ती वादळाशीही लढणारी आहे,
स्वतःला विसरून इतरांसाठी,
जगणारी ही चंद्रचकोर आहे.!!
*
आई, बहिण, सखी, प्रिया,
प्रत्येक रूप दिव्य, प्रभा,
स्त्रीशक्तीला वंदन करूया,
तिच्या तेजाची रेखीव आभा.!!
*
स्त्री-तेजाला वंदन करावे,
सन्मान द्यावा कर्तृत्वाला,
“कविराज” गीत गातो ममत्वाचे,
देवही येती तिच्या उदराला.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
