सौ. ज्योती कुळकर्णी
कवितेचा उत्सव
☆ काही रुचणे काही नडणे… ☆ सौ. ज्योती कुळकर्णी ☆
☆
असतो जरी फुकाचा सल्ला कुणा न रुचतो
ऐकेल का बरे तो सल्ला तयास नडतो
*
मौलिक विचार सारे काव्यात शोभणारे
गजरा जसा फुलांचा केसात छान खुलतो
*
शिकलीय आज नारी नूतन विचार आले
कौतुक पगार घेतो खोटा विचार ठरतो
*
बदलेल का युगांती पण माय आणि आजी
देण्यास देव काही ओटी तिचीच भरतो
*
सोडून देत असता मृत्यू इथेच सारे
सौभाग्य दागिन्यांचे का तोच नेत असतो
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
