सुश्री त्रिशला शहा
कवितेचा उत्सव
☆ होळी… ☆ सुश्री त्रिशला शहा ☆
☆
माघामधली थंडी सरली
फाल्गुनातल्या होळीला
जुने पुराणे हेवेदावे
जाळून टाकू आजमितीला
*
उत्साही अन् आनंदाचा
रंगपंचमी उत्सव रंगाचा
रंग उडविता पिचकारीने
रंगात सारे रंगून गेले
*
नीळा, जांभळा, केशरी, हिरवा
रंगांच्या किती सुंदर छटा
इंद्रधनू जणू अवचित आले
धरणीवरती अलगद उतरले
*
तप्त उन्हाळा शांत झाला
रंगांच्या शिंपणाने अवघा
जाती धर्म विसरुन सारे
एक रंगी रंगून गेले
☆
© सुश्री त्रिशला शहा
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
