श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 280
☆ साठलीत जळमटे… ☆ श्री अशोक श्रीपाद भांबुरे ☆
☆
लपून चार बाजुला थांबलीत जळमटे
घराघरात जाउनी शोधलीत जळमटे
*
करून रामबाण हा पाहिला इलाज मी
इलाज पाहुनीच हा फाटलीत जळमटे
*
सुरुंग आज लावला ठोकशाहिला जुन्या
नवीन कल्पने पुढे वाकलीत जळमटे
*
भयाण वाटली तरी जाळु सर्व संकटे
मनात आग पाहुनी पेटलीत जळमटे
*
हळूहळूच हे किटक आत पोचले पहा
चिवट बरीच जात ही थाटलीत जळमटे
*
कुणी न काल रोखले हे कुणा न वाटले
दिसेल घाण त्या तिथे लटकलीत जळमटे
*
लगेच साफ व्हायची आस ही नका धरू
प्रमाणबद्धतेमुळे साठलीत जळमटे
☆
© श्री अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
