मराठी साहित्य – कवितेचा उत्सव ☆ श्रावणसर ☆ सुश्री मंजुषा सुनीत मुळे

सुश्री मंजुषा सुनीत मुळे

 कवितेचा उत्सव 

☆ श्रावणसर ☆ सुश्री मंजुषा सुनीत मुळे ☆

मनी झरे का अवचित झरझर

                     अवखळ श्रावणसर

                              अलगद कानी गुणगुणती अन

                                                    बासरीचे सूर मधुर —–

 

निळे सावळे भासे का नभ

                      प्रसन्न जरी दिनकर

                                निरभ्र असुनी भवती सारे

                                                      मनी दाटे हुरहुर ——

 

जग सारे हे तसेच येथे

                       मनाची परि भिरभिर

                                 शोधू लागले कोठून आली

                                                       नकळत श्रावणसर ——

 

मग क्षणात चमके इंद्रधनू अन

                        सूर्य हसे हळुवार

                                   लख्ख दिसे मज मनी दडलेला

                                                         कृष्णसखा सुकुमार ——

 

© सुश्री मंजुषा सुनीत मुळे

९८२२८४६७६२.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈