मराठी साहित्य – कवितेचा उत्सव ☆ विजय साहित्य # 219 ☆ पुस्तक माझा सखा… ☆ कविराज विजय यशवंत सातपुते ☆
कविराज विजय यशवंत सातपुते
कवितेचा उत्सव # 219 – विजय साहित्य
☆ पुस्तक माझा सखा ☆ कविराज विजय यशवंत सातपुते ☆
☆
सखा, गुरू बनुनीया
पुस्तकाने दिला हात
दिले ज्ञान नी रंजन
दिली संकटांना मात….!
*
शिक्षणाचे रूजे बीज
पुस्तकांच्या पानातून
कसे जगावे जीवन
शिकविले शब्दातून….!
*
काव्य,कथा कादंबरी
गोडी लावते पुस्तक
पुस्तकांचे ग्रंथालय
तिथे झुकते मस्तक….!
*
साथ दिली पुस्तकाने
माझी सावली बनून
केली सख्यासम दोस्ती
सुख दुःख लपेटून…..!
*
अनुभवी दिले धडे
पुस्तकाने क्षणोक्षणी
गुरू रूपी दिले ज्ञान
नाना विषयाचे झणी….!
*
जीव लावते पुस्तक
संवादाचा महामंत्र
आयुष्याचे सारे सार
शिकविते शैली तंत्र…..!
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– शब्द… –