सौ.ज्योत्स्ना तानवडे
कवितेचा उत्सव
☆ स्नेह दीप… 
☆ सौ.ज्योत्स्ना तानवडे ☆
☆
आली दिवाळी दिवाळी
चैतन्याच्या लावू ओळी
मांगल्याचा टिळा लावू
जिद्द कष्टाच्या कपाळी ||
*
सारी संकटे विपदा
होवो या तमाचा नाश
एकमेका जपताना
विणू स्नेह मधुकोश ||
*
दुःख अन्याय अलक्ष्मी
साऱ्या तमा संपवूया
नाती हेच मोठे धन
त्यास नित्य सांभाळूया ||
*
लावू नात्यांच्या दिव्यात
स्नेह ममतेची ज्योत
सारे भेद विसरून
जोडू पुन्हा नवी प्रीत ||
*
दिवाळीचा सण मोठा
करू मनाला आरास
मनामनाला जोडणे
आहे निमित्त हे खास ||
☆
© सौ.ज्योत्स्ना तानवडे
वारजे, पुणे.५८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– वसुबारस …– 
