सुश्री वर्षा बालगोपाल
कवितेचा उत्सव
☆ अमृत शिंपण… ☆ सुश्री वर्षा बालगोपाल ☆
☆
आकाशीचा चंद्र आज
अमृत शिंपडीत आला
आरोग्याचे वरदान मिळाले
प्रत्येकजण चांदण्यात न्हाला ||
*
कोजागिरीचा चंद्रमा
आटीव दुधाची साथ
अशावेळी दे रे प्रिया
तुझा हातामधे हात ||
*
शरदाचे टपोर चांदणे
कसे अंगभर सांडले
देवी तव आशिष ठेव शिरी
पसायदाना हात पसरले ||
*
रात्रीची या कहाणी अशी
व्हावे त्याचे गुण गुण गान
चंद्रासह खुलावी रोहिणी
सकला मिळो समृद्धी दान ||
*
कोजागिरी पौर्णिमेच्या खूप खूप शुभेच्छा
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
