चित्रकाव्य
– विचारात अशा, का गुंतली – ☆ डॉ. स्वाती पाटील ☆
हिरवाई अंगी ।नेसून षोडशा।
विचारात अशा। का गुंतली ।।
असतील काही । प्रश्नांचे काहूर।
विचार करीते। सोडवाया॥।
दिसे शिकलेली। नार ही गोमटी।
कोणाकडे दीठी। लागलीसे ।।
स्वप्न रंजनात। असेल झुलत ।
प्रीत झोपाळ्यात। मनातल्या ॥।
की साजन गेला। पर मुलखाला ।
आठवून त्याला । वाट पाहे।।
डोळ्यात उदासी । झाली असे कृश।
भेटण्या जीवासी ।आतुरली ।।
© डॉ.स्वाती पाटील
सांगली
मो. 9503628150
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कवितेचा उत्सव 
