मराठी साहित्य – चित्रकाव्य ☆ बहावा… (विषय एकच… काव्ये तीन) ☆ सुश्री नीलांबरी शिर्के  – डॉ. सोनिया कस्तुरे – श्री आशिष बिवलकर ☆

By Hemant BawankarNo Comments

?️?  चित्रकाव्य  ?️?

 ?  बहावा… (विषय एकच… काव्ये तीन) ? सुश्री नीलांबरी शिर्के  – डॉ. सोनिया कस्तुरे – श्री आशिष बिवलकर ☆

( १ )

सुश्री नीलांबरी शिर्के

☆

हिरवा चुडा हातात लेऊन

झाड हळदुले नवरी झाले ..  की ..  

रविराजाने विसरून जाऊन

सुवर्ण घडे इथे ओतले

*

रखरखत्या उन्हात फिरता

दृश्य असे दृष्टीस पडता

निसर्ग संपन्नतेपुढे आपला

आपसुक झुकतोच ना माथा  

☆

© सुश्री नीलांबरी शिर्के

मो 8149144177

( २ )

डॉ.सोनिया कस्तुरे

☆

निसर्गाची गुढी | उभी उंच नभी 

तम, प्रखरता | नाही तमा मनी

*
डौलदार बांधा | हळद पिऊनी 

सोनेरी झुंबर | जणू नभांगणी

*

कोवळी नाजुक | हिरवी पालवी

अंगीखांदी कशी | मधून डोकावी

*
रुणझुण तिला | पवन डोलवी

गाणे सुखे गाते | रणरणत्या उन्ही

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

( ३ )

श्री आशिष बिवलकर   

☆

ऋतू चक्राचा

घेऊन सांगावा |

चैत्र पावलांनी,

फूलला बहावा |

*
ग्रीष्माचा कहर,

तापले माळरान |

पिवळ्या फुलांनी,

सजला तरु छान |

*
उकाड्याने हैराण,

जीवास लागे उमासा |

रंगांची चाले उधळण,

दृष्टीस मिळे दिलासा |

*
तरुवर लटकली झुंबरे,

तरुतळी गालिचा सुवर्ण |

उष्ण गंधीत समीर,

डुलती तालावर पर्ण |

*
रंगांनी रंगला बहावा,

नादच त्याचा खुळा |

निरंतर चालत असे,

निसर्गाचा सोहळा |

☆

© श्री आशिष  बिवलकर

बदलापूर

मो 9518942105

☆☆☆☆☆

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “पहाटेस…” ☆ श्री आशिष मुळे ☆

By Hemant BawankarNo Comments

श्री आशिष मुळे

? कवितेचा उत्सव ?

☆ “पहाटेस…” ☆ श्री आशिष मुळे ☆

☆

पहाटेस अजूनही

उगवते माझी व्याकुळता

जशी गादीवर धुक्याच्या

सरल्या सांजेची मुग्धता

*

फिरतात आताशा हात

रिकाम्या अंतरात

शोधती कान माझे

तुझ्या कंकणांची साद

*

पुढे गेलीस तू

मागे सोडून ती पहाट

आता उरले चालणे

दिवसाची ही वाट

*

त्या क्षणात बद्ध अन या क्षणात स्तब्ध

तुझे ते कोमल सामर्थ्य

त्या क्षणात निःशब्द अन या शब्दात बद्ध

हे माझे आर्त काव्य

☆

© श्री आशिष मुळे

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आई अंगाई गातांना ☆ सौ. मंजिरी येडूरकर ☆

By Hemant BawankarNo Comments

सुश्री मंजिरी येडूरकर

? कवितेचा उत्सव ?

☆ आई अंगाई गातांना ☆ सौ. मंजिरी येडूरकर ☆

(आपण बाळांना नेहमीच अंगाई म्हणून झोपवतो. पण खरंच त्या बाळाला अंगाई ऐकताना काय वाटत असेल?)

☆

 गोड गळ्यातील सूर लाघवी

लोभस माया झोका हलवी

स्वर्ग सुखाची जाणीव काना

आई अंगाई गाताना सूर लाघवी

*

चंद्र, चांदण्या, काऊदादा अन् चिऊताई

कोण आले, कोण गेले, नाही कळले बाई

आपणही मग घेते ताना ——-

*

ठाऊक नाही गाईचे ते हंबरणे

मनी माऊचे लपलप दूध पिणे

विसरुनी जातो भूक हा तान्हा ——

*

तिन्हीसांजेला दिवा लाविता आई

भिती काळजातली दूर ही जाई

बोचे गादी, न रुचे पाळणा ——

*

आकांत मी करते, रडू कोसळते

उचलुनी घेता आपसूक हसते

ही तर जादू स्पर्शाची ना ——–

*

म्हणे लबाडा, लटक्या रागे, मांडीवर घेता

आणि कळते, खरेच आई, थकली आता

म्हणूनच झोपी जाई हा राणा ———-

☆

© सौ.मंजिरी येडूरकर

लेखिका व कवयित्री, मो – 9421096611

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 246 – आरसा…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 246 – विजय साहित्य ?

☆ आरसा…! ☆

☆

माया ममता जिव्हाळा,

एकमेका लावी लळा.

वाटे सहवास ओढ.

आठवांनी दाटे गळा…! १

*

स्नेह,सौहार्द ओलावा,

आपुलकी अनुबंध.

नाते जपता कळती,

जिव्हाळ्याचे रंगढंग ..! २

*

रक्ताहून बळकट,

नाते जिव्हाळ्याचे थोर.

प्रेम मैत्री विश्वासात,

हवा जिव्हाळ्याचा दोर..! ३

*

सम विचारांची मोट,

आहे जिव्हाळ्याचा मळा.

माणसात शोधी देव,

उरी ज्याच्या कळवळा…! ४

*

पैसा फक्त व्यवहार,

करीतसे देणे घेणे.

हृदी जपतो जिव्हाळा,

भाव भावनांचे लेणे….!५

*

नसे जिव्हाळा आसक्ती,

नसे मागणे लालसा.

माणसाच्या मानव्याचा,

असे जिव्हाळा आरसा…!६

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ उंबरा… ☆ डॉ.सोनिया कस्तुरे ☆

By Hemant BawankarNo Comments

डॉ. सोनिया कस्तुरे

? कवितेचा उत्सव ?

🍃 उंबरा 🍃 डॉ.सोनिया कस्तुरे ☆

☆

पाहिले मी जेव्हा त्याला

पापण्या नकळत झुकल्या

ढगाआड लपला सूर्य

पाकळ्या अलगद मिटल्या

*

व्याकूळ नजरेने मी

शोधत होते शब्द

बोलणे सुचले तरी,

विचार मनात स्तब्ध

*

तो मुक्त विवेकी होता

मज दडपण गहिरे होते

तो स्वच्छंद माणूस मोठा

मी उंबरा सोडत नव्हते.

*

ओठावर शब्द फुटेना

नजरा बोलत होत्या

अमाप साठून देखील

अबोल संवाद होता..

*

मानवी मनाला कसे

कोड्यात कुणी टाकले

निर्धोक भाव मनीचा

काळाने विपरीत लुटले

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “तुळस…” ☆ सुश्री नीता चंद्रकांत कुलकर्णी ☆

By Hemant BawankarNo Comments

सुश्री नीता कुलकर्णी

? कवितेचा उत्सव ?

☆ “तुळस…” ☆ सुश्री नीता चंद्रकांत कुलकर्णी ☆

☆   

तुळशीचं बीजं लावलं मातीत

उगवून आली ती माझ्या अंगणात…

*

माझी हिरवी तुळस भराभरा वाढली

गळ्यात विठूच्या शोभाया लागली…

*

नैवेद्याचं ताट वाढून तयार केलं

तुळशीचं पान अलगद भातावर ठेवलं….

*

तुळस पाहिली की कृष्ण सखा आठवतो

एका पानाचं मोलं सांगून जातो…

*

तुळशीची माळ वारकरी घालतो

अभिमान संस्कृतीचा मनी जाणतो

*

झालं झाड मोठं आल्या तुळस मंजिरी…

हळुचं बीजं काढा पुढच्या झाडाची तयारी…

*

वाळलेल्या काड्या नीट जपून ठेवू

त्याचीच काडवात देवा पुढे लावू….

*

अशी ही तुळस घरोघरी असू दे ग बाई

जपा वारसा संस्कृतीचा ती शिकवून जाई….

☆

© सुश्री नीता चंद्रकांत कुलकर्णी

मो 9763631255

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ गझल पंचमी… ☆ श्री विनायक कुलकर्णी ☆

By Hemant Bawankar1 Comment

श्री विनायक कुलकर्णी

? कवितेचा उत्सव ? 

☆ गझल पंचमी… ☆ श्री विनायक कुलकर्णी ☆ 

[वृत्त..आनंदकंद]

☆

गाता मला न आले घेऊन ताल गेले

आले नवे गुलाबी इरसाल साल गेले

*

खोट्यास मी म्हणालो खोटे कुठे बिघडले

देऊन दोष मजला फुगवून गाल गेले

*

राबून पाहिले पण फळ नेमके मिळेना

गाभा कुणी हडपला ठेवून साल गेले

*

काळापुढे कुणाचा काही उपाय नाही

रेट्यात त्या क्षणांच्या कित्येक लाल गेले

*

उधळावयास माझ्या अटकाव खास होता

तट्टू म्हणून मजला ठोकून नाल गेले

☆

© श्री विनायक कुलकर्णी

मो – 8600081092

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ फुलांची रंगपंचमी… ☆ सौ शालिनी जोशी ☆

By Hemant BawankarNo Comments

सौ शालिनी जोशी

? कवितेचा उत्सव ? 

☆ फुलांची रंगपंचमी… ☆ सौ शालिनी जोशी ☆

☆

आज बागेत सभा भरली फुलझाडांची

प्रत्येक फुल सांगे महती आपल्या रंगाची

*

तगरी म्हणे पांढरा शुभ्र रंग माझा जाणा

तोच पावित्र्य स्वच्छता आणि ताजेपणा

*

जास्वंदी म्हणे भडक लाल रंग माझा असे

तोच रागात आणि प्रेमात साथीला असे

*

अबोलीला कौतुक आपल्या केशरी रंगाचे

जो प्रतीक ऊर्जा आणि त्यागाचे

*

शेवंती मिरवी रंग धम्मक पिवळा

जो आशा आणि आनंदाचा मेळा

*

निळी गोकर्ण म्हणे रंग माझा आभाळाचा

तोच खरा ठेवा गुढता आणि विश्वासाचा

*

गुलाबी गुलाब गालावर फुलतो

शृंगारा बरोबर निरागसताही दाखवतो

*

शेवटी पाने सळसळलई, पुरे तुमची बडबड नुसती

हिरवा रंगच देतो खरी सकारात्मकता आणि शांती

☆

©  सौ. शालिनी जोशी

संपर्क – फ्लेट न .3 .राधाप्रिया  टेरेसेस, समर्थपथ, प्रतिज्ञा मंगल कार्यालयाजवळ, कर्वेनगर, पुणे, 411052.

मोबाईल नं.—9850909383

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – चित्रकाव्य ☆ स्वर्णीम पहाट… ☆ श्री अनिल वामोरकर ☆

By Hemant BawankarNo Comments

श्री अनिल वामोरकर

?️?  चित्रकाव्य  ?️?

? स्वर्णीम पहाट… ☆ श्री अनिल वामोरकर ☆

☆

चैतन्य चराचरी

झाली सोनेरी पहाट 

तम गेले लया

सुवर्ण फुले फुलली…

 

साधन नीत ज्याचे

अंतरीचा भानू उदेला

सत्कर्म नीत ज्याचे 

सुवर्ण फुले फुलली..

 

सदगुरुमय हृदय ज्याचे

तमाची रात्र‌ संपलीच

संपलीच चिंता, आता 

सुवर्ण फुले फुलली…

 

मन प्रसन्न ज्याचे

वाणीतही गोडवा

गुरुसेवा हेचि कर्म

सुवर्ण फुले फुलली…

☆

© श्री अनिल वामोरकर

अमरावती

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 268 ☆ माफ़ी… ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 268 ?

☆ माफ़ी… ☆ सुश्री प्रभा सोनवणे ☆

(अल्पाक्षरी)

☆

आपण केलेल्या प्रत्येक चुकीची,

माफी कुणाकडे मागणार?

 Confession Box जवळ जाऊन बोलायची गोष्ट—–

  म्हणजे पापांगिकार !

  अनेक गोष्टीत

दिसत असतात चुका,

स्वतःच्या आणि इतरांच्या ही,

आपण मुळीच नसतो,

हरिश्चंद्राचे अवतार किंवा,

साधू संत ही ! तरीही—-

आपल्याला जगायचेच असते,

स्वच्छ,  पापभिरू बनून!

 पण कसले ,कसले मोह,

भाग पाडतात पाप करायला!

कुठंतरी वाचलं होतं,

“नैतिक अनैतिक म्हणजे काय?

जे मनाला आनंद देतं….

ते नैतिक आणि जे मनाला दुःख देतं ते अनैतिक!”

तू ही म्हणालास,

 ख्रिस्ती धर्मात ज्या Ten commandments सांगितल्या आहेत,

 त्यात अकरावी अशी आहे,

(ही आज्ञा मानवनिर्मित )- —

“ह्यातलं जर काही तुम्ही केलंत,

तर ते कुणाला सांगू नका !”

पण न सांगितल्यानं पाप लपत नाही रे ,

डाचत राहतं मनात!

म्हणूनच मागायलाच हवी माफी,

आपल्या आत्म्याला खटकणाऱ्या–‐

प्रत्येक गोष्टीची,

ईश्वराकडे!

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares