सौ. विद्या पराडकर
कवितेचा उत्सव
☆ || श्री गणेश || ☆ सौ. विद्या पराडकर ☆
वंदन श्रीयेशा,
वंदन श्रीयेशा,
बुद्धिदायक हे परमेशा,
यशकीर्तिच्या परेशा ||
कार्यारंभी आवाहन करतो,
मनोभावे पूजा करतो,
सुरवर सारे तुजला स्तविती,
दैत्यांनाही येई प्रचिती ||
रिद्धीसिद्धी चा आहेस कर्ता,
विघ्ननाशका विघ्नहर्ता,
सुखकारक तू दुःखहर्ता,
सगुणरुपी तू आनंद दाता ||
पृथ्वी प्रदक्षिणेची चुरस लागली,
कार्तिक, गणेश सज्ज जाहले,
प्रथम निघाले मयुरावरी कार्तिक,
श्रीगणेशाने मातेलाच प्रदक्षिणा घातली ||
प्रदक्षिणेने श्रीगणेशास जयश्रीने सजविले,
बुद्धिमत्तेचे द्योतक श्रीगणेश शोभले,
चौदा विद्यांचा खरे आहेस तू कर्ता,
चौसष्ट कलांचा आहेस दाता ||
इतिहासाने सांगितले,
गणेशजी मुषकावरून जात असता कोसळले
त्यामुळे चंद्र हासला शाप दिला गणेशाने
मुख चंद्राचे जो पाही, आळ चोरीचा येई ||
शंकराचे आत्मलिंग लंकेश्वर नेता,
अडविले श्रीहरीने गणेश हस्ता,
पश्चिम समुद्री स्थापिले आत्मलिंग हे असे
गोकर्ण महाबळेश्वर म्हणून नावाजले कसे ||
ये हासत नाचत गणेशा
दूर करी रे देश समस्या
एकजुटीचा मंत्र देई
देशभक्तीचे गीत गाई ||
© सौ. विद्या पराडकर
वारजे पुणे..
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
