सुश्री प्रभा सोनवणे
साप्ताहिक स्तम्भ – कवितेच्या प्रदेशात # 105
☆ शांताबाई ☆
शांताबाई शांताबाई
तुम्ही म्हणजे रानजाई ॥
साधेसुधे राहणीमान
मराठमोळे परिधान
डोईवरचा पदर छान
तुम्ही म्हणजे सुरेल तान ॥
शांतादुर्गा म्हणू की म्हणू
वाङेश्वरीची लेक लाडकी
करून गेलात मैफल पोरकी
तुम्ही म्हणजे शब्दसखी ॥
लाखमोलाचे तुमचे शब्द
उपकार केलेत अब्ज अब्ज
लिहिल्या कविता नव नीत
तुम्ही म्हणजे फक्त प्रीत ॥
नित्य स्मरू अन् सदैव वंदू
वाणी गोड बोलणे मृदू
साहित्यातला ज्ञानसिंधू
तुम्ही म्हणजे स्वप्न मधू ॥
ज्येष्ठ कवयित्री/साहित्यिक स्व.शांता शेळके यांना विनम्र अभिवादन
© प्रभा सोनवणे
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
आदिशक्ती 
