सुश्री वृंदा (चित्रा) करमरकर
कवितेचा उत्सव
☆ नेमबाज — ☆ सुश्री वृंदा (चित्रा) करमरकर ☆
☆
एक कोवळी कळी उमलली
चैतन्यमयी अंतर उर्मीने
दिशांत उधळला सुगंध
तिच्या अपूर्व कर्तृत्वाने
*
भारतीय धुरंधर नेमबाज
मनू भाकर नाम तियेचे
ऑलिंपिक नेमबाजी स्पर्धेत
ती नव्याने इतिहास रचे
*
अथक प्रयत्नांची जोड
असे जिद्द तिच्या मनाशी
ध्येयावरती लक्ष तियेचे
स्वप्न जपले तिने उराशी
*
पॅरिस भूमीत पदक जिंकूनी
मनु, सरबज्योत द्वयाने
भारत भू च्या शिरपेचातची
तुरा खोवला अभिमानाने
*
जिगर असावी लागते मनी
तेजतर्रार हवी नजर
एकाग्रतेने लक्ष्य भेदण्या
गरुडापरी झेप जबर
*
मूर्ती लहान कीर्ती महान
उक्ती ही तर सार्थ ठरे
दिशा दिशांत दुमदुमती
या विजयाचे सदैव नारे
☆
© वृंदा (चित्रा) करमरकर
सांगली
मो. 9405555728
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– अराजक… – 
मेहबूब जमादार ☆
