image_print

मराठी साहित्य – कवितेचा उत्सव ☆ कुठे कुठे क्षितिजाशी ☆ सुश्री प्रज्ञा मिरासदार

☆ कवितेचा उत्सव 🚩 कुठे कुठे क्षितिजाशी 🚩  सुश्री प्रज्ञा मिरासदार ☆   दूर कुठे क्षितिजाशी टेकडीच्या माथ्यावर | शांत रम्य जागी उभे एक शिवाचे मंदिर ||१||   चार वृक्ष भोवताली दिसे वनश्रीची शोभा | गाभाऱ्यात तेज फाके शिवपिंडीची ती प्रभा ||२||   पलिकडे शांत नदी जळ संथ संथ वाहे | उतरत्या सांजवेळी सूर्य डोकावून पाहे ||३||   एक भगवी पताका मंदिराच्या वर डुले | शांत नदीपात्रामध्ये दूर दूर होडी चाले ||४||   भक्तिरंगी परिसर होई सांजेच्या वेळेला | पक्षी येती झाडांवर भक्तगण आरतीला ||५||   भास्कराचा लाल गोळा बुडताना पाण्यावर | येई क्षितिजाभोवती लाल केशरी किनार ||६||   मंद नंदादीप तेवे शंकराच्या गाभाऱ्याशी | दिसतसे संध्याराणी कुठे कुठे क्षितिजाशी ||७||   नंदादीपाच्या तेजाने जाई भरून गाभारा | झाला निशेच्या अधीन रम्य आसमंत सारा ||८||   © सुश्री प्रज्ञा मिरासदार  ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈...
Read More

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 67 ☆ अर्थव्यवस्था (हज़ल) ☆ श्री अशोक श्रीपाद भांबुरे

श्री अशोक श्रीपाद भांबुरे ☆ साप्ताहिक स्तम्भ – अशोक भांबुरे जी यांची कविता अभिव्यक्ती # 67 ☆ ☆ अर्थव्यवस्था (हज़ल)  ☆ रोज सकाळी हवा उतारा उठल्या नंतर इलाज नाही दारुत पुरता फसल्या नंतर   नशा शोधली अशी कशी ही अरे माणसा तरंगताना दिसतो दारुत बुडल्या नंतर   अपशब्दांची उधळण होते तोंडामधुनी असेच घडते त्यांच्या सोबत बसल्या नंतर   बैठक आता कशी थांबवू तुम्हीच सांगा ग्लास दारुचा ओठांना ह्या भिडल्या नंतर   हातामधला ग्लास डोलतो चढते त्याला मी तर मानव डोलणार ना चढल्या नंतर   दया करावी धर्म सांगती सारे येथे पामरास या उचलुन घ्यावे पडल्या नंतर   देशाची ह्या अर्थव्यवस्था माझ्यावरती देश चालणे कठीणच दारु सुटल्या नंतर   © अशोक श्रीपाद भांबुरे धनकवडी, पुणे ४११ ०४३. ashokbhambure123@gmail.com मो. ८१८००४२५०६, ९८२२८८२०२८ ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈...
Read More

मराठी साहित्य – कवितेचा उत्सव ☆ पाया प्रपंचाचा…. ☆ श्रीशैल चौगुले

☆ कवितेचा उत्सव ☆ पाया प्रपंचाचा.... ☆ श्रीशैल चौगुले ☆ गणिते मांडावीत आठवे सांडावीत मनात कोंडावीत दुःख-कष्टाची सूत्रे.   पायरी सोडवता ऊत्तरे घडवता बेरीज-गुणाकार प्रायश्चीते चुकांचे.   भुमिती कोन-बाजूंची कसोटी संघर्षांची प्रमेये संयमात जीवन सिध्दातांचे.   आयुष्याचे ग्रंथ हाताळता संभाव्ये भावनांचे अवयव वर्ग-घातांकावे क्षण.   त्रिकोणाचा छेद हृदय संवेदना प्रेमळ वर्तुळात पाया प्रपंचाचा.   © श्रीशैल चौगुले ९६७३०१२०९०  ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈...
Read More

मराठी साहित्य – कवितेचा उत्सव ☆ साप्ताहिक स्तम्भ – हे शब्द अंतरीचे # 18 ☆ अभंग—शब्दगंगा… ☆ कवी राज शास्त्री

कवी राज शास्त्री ☆ साप्ताहिक स्तम्भ – हे शब्द अंतरीचे # 18 ☆  ☆ अभंग---शब्दगंगा… ☆ शब्दांचा प्रवाह, वाहता असावा मनात नसावा, न्यूनगंड…०१   शब्द गंगा सदा वैचारिक ठेवा अनमोल हवा, संदेश तो…०२   निर्मळ, सोज्वळ असावे प्रेमळ साधावे सकळ, योग्यकर्म…०३   शब्द ज्ञान देती शब्द भूल देती शब्द त्रास देती, नकळत…०४   म्हणुनी सांगणे सहज बोलणे शब्दांत असणे, प्रेमळता…०५   कवी राज म्हणे अलिप्त असावे सचेत रहावे, सदोदित…०६   © कवी म.मुकुंदराज शास्त्री उपाख्य कवी राज शास्त्री. श्री पंचकृष्ण आश्रम चिंचभुवन, वर्धा रोड नागपूर – 440005 मोबाईल ~9405403117, ~8390345500 ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈...
Read More

मराठी साहित्य – कवितेचा उत्सव ☆ देव ☆ कवी आनंदहरी

☆ कवितेचा उत्सव ☆ देव ☆ कवी आनंदहरी ☆  मूर्ती नाही घरी माझ्या अंतरात देव नाही कपाळी हो टिळा मनात या भाव   माणसाच्या कर्मातील देव मी पहातो हात नाही जोडत मी हात हाती देतो   जात नाही देवालयी विश्व देवघर माणसाच्या मनातील माणूस जागर   दीन-दुबळ्यांच्यासाठी जीव जो झटतो सवे त्याच्या चालताना देवचि भेटतो   © कवी आनंदहरी इस्लामपूर, जि. सांगली भ्रमणध्वनी:-  8275178099 ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈...
Read More

मराठी साहित्य – कवितेचा उत्सव ☆ तन भिजलेले ☆ सुश्री संगीता कुलकर्णी

सुश्री संगीता कुलकर्णी ☆ कवितेचा उत्सव ☆ तन भिजलेले ☆ सुश्री संगीता कुलकर्णी ☆  तन चिंब भिजलेले मन धुंद मोहरलेले   पावसाच्या ओढीने बेधुंद थरथरले !   ओल्या स्पर्शाने थरथरली काया लाजून गाल आरक्त झाले   ओठही विलग झाले बोलण्या तुझ्यासवे आतुरले   तनुस होता स्पर्श झंकारले तप्त सूर   प्रेमाच्या त्या स्पर्शाने लाजून चूर झाले   गंधाने तुझिया मी खुलले रोमांच अंगी उभे राहिले   नजरेतले तुझे इशारे कळले मी ही मग स्वतःस विसरले   श्वास दोघांचे एकमेकांत मिसळले घेता मिठीत मनोमिलन झाले...!   ©  सुश्री संगीता कुलकर्णी  9870451020 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈...
Read More

मराठी साहित्य – कवितेचा उत्सव ☆ व्यक्ती आणि वल्ली ☆ सौ. शशी नाईक-नाडकर्णी

सौ. शशी नाईक-नाडकर्णी   ☆ कवितेचा उत्सव ☆ व्यक्ती आणि वल्ली ☆ सौ. शशी नाईक-नाडकर्णी ☆  जीवनांत आल्या व्यक्ती आणि वल्ली कित्येकांनी दिली सावली कित्येकांनी नुसती हजेरीच लावली   काहींनी घडवले तर काहींनी  बडवले कुणी शिकवण दिली तर कुणी धडे शिकवले काहींशी चांगलेच पटले काहींना पटवून घेतलं काहींनी मनांत घर केले काहींनी काळजाला घरे पाडली   आता साठी झाली नवीन पहाट आली सगळीच मंडळी आपली मानली, वाटली,  झाली.   © सौ. शशी नाईक-नाडकर्णी फोन  नं. 8425933533 ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈...
Read More

मराठी साहित्य – साप्ताहिक स्तम्भ ☆ सुजित साहित्य # 57 – आपसुक…! ☆ सुजित शिवाजी कदम

सुजित शिवाजी कदम ☆ साप्ताहिक स्तंभ – सुजित साहित्य #57 ☆  ☆ आपसुक...! ☆  तुझ्या माझ्यातला पाऊस आता पहिल्यासारखा राहिला नाही... . . तुझ्या सोबत जसा पावसात भिजायचो ना तसं पावसात भिजणं होत नाही आता फक्त मी पाऊस नजरेत साठवतो... आणि तो ही ; तुझी आठवण आली की आपसुकच गालावर ओघळतो. तुझं ही काहीसं असंच होत असेल खात्री आहे मला . . . तुझ्याही गालावर नकळत का होईना पाऊस ओघळत असेल...!   © सुजित शिवाजी कदम पुणे, महाराष्ट्र मो.७२७६२८२६२६...
Read More

मराठी साहित्य – कवितेचा उत्सव ☆ तत्वज्ञान ☆ श्री ओंकार कुंभार

☆ कवितेचा उत्सव ☆ तत्वज्ञान ☆ श्री ओंकार कुंभार ☆ हे बरं आहे   सुचतात दोन ओळी भरल्या पोटी मजला   त्याला काय सुचते जो दोन घासांना भुकेला.   उदराची भ्रांत संपता जगण्यात तत्वज्ञान शोधतसे भुकेल्या पोटीचे तत्वज्ञान काय असे.   निवारा पूर्ण होता वस्तूंची गर्दी जमतसे निवारा नसतानाही कोणत्या वस्तूंची यादी मन करतसे.   ©  श्री ओंकार कुंभार मो 9921108879  ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈...
Read More

मराठी साहित्य – कवितेचा उत्सव ☆ पैंजण ☆ सौ.नीलम माणगावे

सुश्री नीलम माणगावे ☆ कवितेचा उत्सव ☆ पैंजण ☆ सुश्री नीलम माणगावे ☆ दोन दोन किलो वजनाचे पैंजण घालून माझी आजी स्वयंपाकघरातून माजघरात माजघराततून स्वयंपाकघरात एखाद्या सम्राज्ञीसारखी ठुमकत फिरायची. ओझ्याने तिचे पाय भरून यायचे. दुखायचे. खूपायचे. घोटे काळे ठिक्कर पडायचे. कधी जखम व्हायची, चिघळायची . रक्त वहायचं पण नादाच्या भूलभुलैय्यातून बाहेर न पडता पैंजणाखाली फडकं बांधून जखमांना ऊब देऊन ती राज करायची.   माझ्या आईने पैंजण सोडून नाजूक, हलक्या, तोरड्या घालायला सुरुवात केली ना पाय दुखणं, ना खुपणं, ना चिघळणं आपल्याच तोर्‍यात ती स्वयंपाकघर, माजघर, सोपा, अंगण, माडी, गच्ची सगळीकडे मनमुराद फिरायची अधनं मधनं का होईना, तोरड्या टोचायच्या. साडीचे काठ फाटायचे, दोरे लोंबायचे. पण सारे दुर्लक्षून ती राज-राणीसारखी भिरभिरायची.   मी तर....अडकणं, बोचणं, चिघळणं, फाटणं काहीच नको म्हणून पैंजणाबरोबर तोरड्यांनाही हद्दपार करून सोडलं. हलक्याशा चपला, बूट, सॅंडल घालता घालता घरच नव्हे तर अंगणही ओलांडून मी बाहेर पाऊल टाकलं पण कधी कधी माझ्याही नकळत चपला घसरतात. सॅंडल बोचतात. बूट चावतात. पण मिळणार्‍या स्वातंत्र्यासाठी मी सारे सहन करते.   आता मात्र माझी मुलगी म्हणते आई, पैंजण नको, तोरड्या नको, चप्पल, बूट, सॅंडल नको. ते पकडणं नको. घसरणं नको. काही काही काहीच नको. अग पायाखालचे काटे मोडण्यासासारखे पायच होऊ देत आता... घट्ट, मजबूत, पोलादी पुढल्या का होईना शतकाआधी.   ©  सुश्री नीलम माणगावे जयसिंगपूर, जिल्हा कोल्हापूर मो  9421200421  ≈ संपादक – श्री...
Read More
image_print