Marathi Kavita
श्री प्रमोद वामन वर्तक
चित्रकाव्य
☆ 
हिरवा नजारा ☆ श्री प्रमोद वामन वर्तक ☆
गर्द हिरवाईत वसलं
घरकुल कौलारू सुबक
बांधावरून शेताच्या
दृष्य दिसे मनमोहक
कष्ट सारे कासकराचे
उभ्या पिकात तरारले
पाहून तो हिरवा नजारा
डोळे आनंदाने भरले
चित्र साभार : श्री दीपक मोदगी
© श्री प्रमोद वामन वर्तक
(सिंगापूर) +6594708959
मो – 9892561086
ई-मेल – [email protected]
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सौ. विद्या वसंत पराडकर
कवितेचा उत्सव
☆ यावे यावे नववर्षा… ☆ सौ. विद्या वसंत पराडकर ☆
यावे यावे नववर्षा
स्वागत आपुले अति हर्षा धृ
आनंदात येऊनी, आनंदमय जगुनी
निःस्वार्थाचा हात धरूनी
समता धाग्याने वस्त्र विणूनी
समतोलाचे तत्व आचरणया
यावे यावे.
विज्ञानाची कास धरुनी
साध्य व साधन भेद करुनी
मानवतेचा पंथ चालूनी
अहंकाराचे दमन कराया
यावे यावे
स्वत्वाची मर्यादा ओळखूनी
प्रपंचात परमार्थ साधूनी
बंधू त्याला देव मानुनी
न्याय नीतीचे पालन करण्या
यावे यावे नववर्षा
प्रीतीचे हास्य फुलवुनी
विषमतेची आग विझवुनी
भ्रष्टाचारा मुठमाती देवूनी
प्रेमाचे संगीत गावया
यावे यावे नववर्षा
कलिकाळाची ओळख घेऊनी
अंतस्थ व बाह्य शत्रू ओळखूनी
विशाल दृष्टिचे दान देवूनी
एकात्मिक तेची फुले वेचण्या
यावे यावे नववर्षा
सद्गुणांचे मूल्य जाणूनी
माणूसकी चे शिल्प खोदुनी
भारतभूची कीर्ती वाढवूनी
गतवैभव हे प्राप्त कराया
यावे यावे नववर्षा
स्वागत आपुले अति हर्षा
© सौ. विद्या वसंत पराडकर
पुणे.
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सुश्री उषा जनार्दन ढगे
चित्रकाव्य
☆ रंगवीन मी ☆ सुश्री उषा जनार्दन ढगे ☆
रंगवीन मी
आज पुन्हां एकदा मनावर
नक्षीदार रांगोळी रेखीन मी
आणखी एकदा नशीब नवं
भाळावर कोरून घेईन मी..
पुन्हां एकदा हरविलेल्या स्वप्नांना
आज नयनांत साठवेन मी
हसर्‍या भाकिताच्या स्वागतासाठी
सुखःदुःखाच्या पथारी मागे टाकीन मी..
निर्भेळ स्वच्छ जळाचा
तो एक अदृश्य रंग असेन मी
स्वैर भावनांशी समरस होऊन
गुंगून हरवून जाईन मी..
पलीकडच्या अंधाराचाही
तो एक अंदाज घेईन मी
सावलीत माझ्या मलाच
परि शोधीत राहीन मी..
पुन्हां एकदा नव्याने
नवीन स्वप्ने रंगवीन मी
नवीन स्वप्ने रंगवीन मी..!
© सुश्री उषा जनार्दन ढगे
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सौ. स्वाती रामचंद्र कोरे
कवितेचा उत्सव
☆ स्वागत नववर्षाचे ☆ सौ. स्वाती रामचंद्र कोरे ☆
(शेल काव्य रचना)
सान थोर सर्वजण
सर्वजण आतुरले..
नववर्ष स्वागतास
स्वागतास सज्ज झाले..१
भले बुरे जे जे झाले
झाले गेले विसरावे
नव आशा उमेदीने
उमेदीने सज्ज व्हावे..२
नव वर्षाची पहाट
पहाट हर्षानंदाची
फुले माळा रांगोळीने
रांगोळीने स्वागताची…३
मनी करूया संकल्प
संकल्प आनंददायी
पूर्ण होवो साऱ्या इच्छा
इच्छा व्हाव्या फलदायी..४
नव वर्षात लाभावे
लाभावे सुख समृध्दी
दुःख सरूनिया होवो
होवो जीवन आनंदी..५
© सौ. स्वाती रामचंद्र कोरे
भिवघाट.तालुका, खानापूर,जिल्हा सांगली
मो.9096818972
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कविराज विजय यशवंत सातपुते
साप्ताहिक स्तम्भ # 107 – विजय साहित्य
☆ माझी शाळा ☆ कविराज विजय यशवंत सातपुते ☆
अभिनव माझी शाळा
अंतरात कोरलेली
यशोदीप गुणकारी
शैशवात गोंदलेली…१
कलासक्त गुरूजन
आधाराचा देती हात
ज्ञानदान करताना
देती संकटांना मात…२
शाळा आणि क्रिडांगण
जणू ज्ञानाची पंढरी
खेळ मैदानी खेळता
शाळा भरते अंतरी…३
शिका वाचा आणि खेळा
शाळेतील गुरू मंत्र
शाळा अभिनव माझी
जीवनाचे सोपे तंत्र…४
माय बाप झाली शाळा
तन मन घडविले
योग व्यायाम संस्कार
अलंकार जडविले…५
बदलले रंग रूप
नाही बदलली शाळा
आशीर्वादी कानी नाद
ज्ञानवंत हो रे बाळा…६
© कविराज विजय यशवंत सातपुते
मोबाईल 9371319798.
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सौ. सुचित्रा पवार
कवितेचा उत्सव
☆ दत्ता अवधूता…. ☆ सौ. सुचित्रा पवार ☆
श्रीपाद वल्लभा। दत्ता अवधूता
सद्गुरूनाथा । नमन घे
उभी कृष्णातिरी । त्रैमूर्ती प्रसन्न
तेजस्वी चैतन्य । दिगंबर
चरणी खडावा । रुद्राक्षाच्या माळा
दयाळा कृपाळा । दीनानाथ
अनुसया सत्त्वे । जन्म घेतलासी
तू अवतारीसी ।गुरुदेव
योगीयांचा योगी । ज्ञानाची माऊली
कृपेची सावली ।साक्षात्कारी
चिंता मुक्त करी । सन्मार्गासी नेसी
पावन करीशी । कृपाळुवा
प्रेमळ कटाक्षे । स्नेह पाझरती
तू भक्तांवरती । दयाघना
वेड लावी चित्ता ।भरती प्रेमाची
तुला हृदयाची । पायघडी
नित्य नाम घेता ।होय चिंता मुक्त
संकटा त्वरित । निवारीशी
© सौ.सुचित्रा पवार
तासगाव, सांगली
8055690240
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
श्री सुजित कदम
साप्ताहिक स्तंभ – सुजित साहित्य #93
☆ हिशोब ☆
आयुष्याचे हिशोब खडतर जमले नाही
सवाल कुठला कुठले उत्तर कळले नाही
हवे तसे मी उनाड जगणे जगून गेलो
किती कमवले जीवनात या पुरले नाही.
सुखात हसलो दुःखी रडलो खचलो नाही
चौकटीतल्या जगण्याला मी भुललो नाही
थोडे थोडे आयुष्याशी करार केले
गेले फसवून त्यांच्या वर मी रूसलो नाही.
अनुभवाच्या चार क्षणांना मुकलो नाही
संसाराचे हळवे नाते सुटलो नाही
जे जे जमले करून गेलो निर्धाराने
वही संपली हिशोब चुकला अडलो नाही.
घाव मनाचे भरून आले थकलो नाही
देणे घेणे यात कधी ही चुकलो नाही
तरी राहिलो बराच मागे या दुनियेच्या
सुखदुःखाची सलगी करण्या मुकलो नाही.
कित्तेक आले कित्तेक गेले अडले नाही
दूरदूरच्या नभात उडणे जमले नाही
पडलो घडलो धडपडलो मी अनेक वेळा
पंखांमधले बळ अजूनही सरले नाही.
© सुजित कदम
संपर्क – 117,विठ्ठलवाडी जकात नाका, सिंहगढ़ रोड,पुणे 30
मो. 7276282626
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कवितेचा उत्सव
☆ मी… ☆ कै मंगेश पाडगावकर ☆
मी झुळझुळणारा वारा,
मी सुंदर मोरपिसारा
निळ्या निळ्या या आभाळतील
तारा लुकलुकणारा !
मी पारिजात फुलणारा
मी सुगंध अन् झुलणारा,
ऊन कोवळे झेलीत झेलीत
पक्षी भिरभिरणारा !
मी पाऊस कोसळणारा
मी डोंगर अन् न्हाणारा
झरा चिमुकला आनंदाने
गात गात जाणारा !
कै मंगेश पाडगावकर
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कवितेचा उत्सव
☆ आताशा… ☆ श्री शरद कुलकर्णी ☆
धुंद धारांचा मनस्वी ,
जोरही सरला आताशा.
बेधुंद नाचणारा मनीचा,
मयूरही थकला आताशा .
क्षीण झाले चांदणे अन्
चंद्रही लोपला आताशा .
जीर्ण झावळ्यांचे कवडसे ,
वृक्षही झुकले आताशा .
लुप्त झाली पाखरे,
हरवले वारे आताशा .
नभ झाले निरभ्र सारे,
नीरदही गुप्त आताशा .
© श्री शरद कुलकर्णी
मिरज
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सुश्री प्रभा सोनवणे
साप्ताहिक स्तम्भ – कवितेच्या प्रदेशात # 114
☆ निरोप ☆
सरत्या वर्षाचा निरोप घेताना,
मनात दाटून येताहेत ,
कितीतरी आठवणी……
या विषाणूंनी शिकवलंय बरंच काही,
पण मनातल्या विषवल्ली,
अजून तग धरून
काहीजणांच्या!
कटू गोड क्षणांचा एक डोह,
मनात तुडुंब भरलेला!
सोडून द्यायचे काही…काही जपायचे,
मोरपीसासारखे!
सरत्या वर्षाचा निरोप घेताना,
मन प्रगल्भ व्हायला हवं,
जायलाच हवं सामोरं,
पेलायला हवीत काळाची आव्हानं,
निरोप गतकाळाचा घेताना,
व्हायलाच पाहिजे अधिक धीट,
खंबीर आणि जागरूक ही !
निरोप द्यायलाच हवा,
नैराश्याला, उदासीनतेला!
आणि आभार मानायलाच हवेत,
गतवर्षाने बहाल केलेल्या,
जिवंतपणाला !!
सरत्या वर्षाला निरोप घेताना…..
© प्रभा सोनवणे
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
