मराठी साहित्य – चित्रकाव्य ☆ मनातलं ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक  

?️?  चित्रकाव्य  ?️?

☆ मनातलं ☆ श्री प्रमोद वामन वर्तक ☆

☆

रंगी बेरंगी भिरभीरी

जुहू चौपाटीला विकते,

कर्ण कर्कश पिपाणी 

छोट्याना खेचून आणते !

*

सरे सारी सकाळ तरी 

पत्ता नाही भवानीचा,

असून सुट्टी शनिवारची 

नाही गोंगाट पोरांचा !

*

रुक्ष माघाची काहीली

जीव करी कासावीस,

पेटली पायाखाली वाळू 

त्याचा वेगळाच त्रास !

*

प्राण आणूनिया डोळा 

वाट पाहे चिमुकल्यांची,

झाला नाही आज धंदा 

चुल कशी पेटायाची ?

चुल कशी पेटायाची ?

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ ऐरण ☆ सुश्री वर्षा बालगोपाल ☆

By Hemant BawankarNo Comments

सुश्री वर्षा बालगोपाल

?️?  चित्रकाव्य  ?️?

? ऐरण ?  सुश्री वर्षा बालगोपाल ☆

☆

एक घाव लोहाराचा, शंभर सोनाराचे 

जगण्याचे हे तंत्र शिकवती बोल ऐरणीचे ||

*
संकटाची जरी आली वादळे 

येतील तैसी जातील सत्वरे 

सौख्याचे बघ घर्मबिंदू हार अभिमानाचे ||

*
हातोड्या या अनेक येती 

घाव घालूनी तुटून जाती 

अभंग ऐरण शिकवी जगाला जिणे अभंगाचे||

*

या खेळाचे घटक दोन 

एक भाता अन दुसरा घण 

ठिणग्यांचे जरी वादळ भोवती बळ ये समर्थ्यांचे ||

कवयित्री : वर्षा बालगोपाल

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 265 ☆ तूच… ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 265 ?

☆ तूच… ☆ सुश्री प्रभा सोनवणे ☆

☆

मी पुन्हा पुन्हा–

त्याच तिथे येऊन पोहोचते,

जिथे केवळ नकार घंटाच,

घुमत असतात,

तुझ्या वागण्यात  !

 

तूही बदलत नाहीस,

आणि मी ही !

मला सांगायचं असतं..

तुला मनातलं बरंच काही,

मी स्वीकारलेलं असतं मला,

मी जशी आहे तशी,

सर्व गुणदोषांसकट!

 

पण तुझा वाढत चाललेला,

“श्रेष्ठत्व अहंकार”

आजकाल सहन होत नसतानाही,

तूच का हवी असतेस,

मनीचे गुज ऐकवायला?

 

भूतकाळात,

जरा जास्तच घुटमळत राहतो,

का आपण?

हा प्रश्न स्वतःलाच विचारत—

भविष्यात डोकावताना,

परत तूच??

हे कसं काय घडतंय?

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सार्थ करूया जीवन… ☆ डॉ. शैलजा करोडे ☆

By Hemant BawankarNo Comments

डॉ. शैलजा करोडे

? कवितेचा उत्सव ?

☆ “सार्थ करूया जीवन…” ☆  डॉ. शैलजा करोडे ☆

(अष्टाक्षरी)

☆

वाट जीवन काटेरी

होई सरळ सुगम

बाळगावा मात्र मनी

आशावाद तो दुर्दम्य

*

कर्म चांगले करते

नाव यश किर्तीवंत

फळ कष्टाला मिळते

करू कार्य शोभिवंत

*

भुकेल्यांना द्यावे अन्न

आंधळ्याची काठी बना

जनसेवा ईशसेवा

मर्म जीवनाचे जाणा

*

असे संस्कार शिदोरी

जीवनात बहुमोल

जपतसे सदभाव

यश मिळते अमोल

*

जन्म मानव दुर्लभ

व्हावा नर नारायण

माणुसकी जपा मनी

सार्थ करूया जीवन

☆

© डॉ. शैलजा करोडे (काव्यशलाका)

नेरुळ नवी मुंबई मो. 9764808391

ईमेल – [email protected] 

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

Please share your Post !

Shares

मराठी साहित्य – कवितेचा उत्सव ☆ “शब्द  एक छंद….” ☆ सौ विजया कैलास हिरेमठ ☆

By Hemant BawankarNo Comments

सौ विजया कैलास हिरेमठ

? कवितेचा उत्सव ?

☆ “शब्द एक छंद….” ☆ सौ विजया कैलास हिरेमठ ☆

☆

शब्द हसतात ,शब्द रुसतात

शब्द एकांतात सोबत करतात…

 

शब्द टोचतात,डोळ्यात अश्रू आणतात

 सावरून घेतात, सांत्वनही करतात

 

शब्दांना असते धार,शब्द करतात वार

जपून करतो आम्ही शब्द व्यवहार

 

 

शब्दांना असतो ताल,शब्दांना असते चाल

शब्द समजूतदार,देतात आधार

 

शब्दांना असते वजन,उंची,भाव

घेतात मनाचा अचूक ठाव…

 

शब्दांना असतो वारसा

शब्दांविण भाव पोरका

काय वर्णावा शब्द महिमा

शब्द इथे माझा उणा…

 

शब्दांची चढता नशा

अंकुरतात नव्या आशा

शब्दांनी दिली जीवना दिशा

शब्द माझी अभिलाषा…

 

शब्द एक छंद

दरवळणारा सुगंध

जुळता ऋणानुबंध

भाव सारे स्वच्छंद…

☆

💞शब्दकळी विजया 💞 

©  सौ विजया कैलास हिरेमठ

पत्ता – संवादिनी ,सांगली

मोबा. – 95117 62351

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

हिन्दी साहित्य – साप्ताहिक स्तम्भ ☆ कादम्बरी # 94 – जब भी विश्वास पास आते हैं… ☆ आचार्य भगवत दुबे ☆

By Hemant Bawankar1 Comment

आचार्य भगवत दुबे

(संस्कारधानी जबलपुर के हमारी वरिष्ठतम पीढ़ी के साहित्यकार गुरुवर आचार्य भगवत दुबे जी को सादर चरण स्पर्श । वे आज भी हमारी उंगलियां थामकर अपने अनुभव की विरासत हमसे समय-समय पर साझा करते रहते हैं। इस पीढ़ी ने अपना सारा जीवन साहित्य सेवा में अर्पित कर दिया है।सीमित शब्दों में आपकी उपलब्धियों का उल्लेख अकल्पनीय है। आचार्य भगवत दुबे जी के व्यक्तित्व एवं कृतित्व की विस्तृत जानकारी के लिए कृपया इस लिंक पर क्लिक करें 👉 ☆ हिन्दी साहित्य – आलेख – ☆ आचार्य भगवत दुबे – व्यक्तित्व और कृतित्व ☆. आप निश्चित ही हमारे आदर्श हैं और प्रेरणा स्त्रोत हैं। हमारे विशेष अनुरोध पर आपने अपना साहित्य हमारे प्रबुद्ध पाठकों से साझा करना सहर्ष स्वीकार किया है। अब आप आचार्य जी की रचनाएँ प्रत्येक मंगलवार को आत्मसात कर सकेंगे।  आज प्रस्तुत हैं आपकी एक भावप्रवण रचना – जब भी विश्वास पास आते हैं…।)

✍  साप्ताहिक स्तम्भ – ☆ कादम्बरी # 94 – जब भी विश्वास पास आते हैं… ☆ आचार्य भगवत दुबे ✍

☆

आप जब मेरे पास आते हैं 

जैसे मय के गिलास आते हैं

*

कितनी बाधाएँ पार की हमने 

याद, सारे प्रयास आते हैं

*

सहने पड़ते हैं, पतझरों के दिन 

तब, बहारों के मास आते हैं

*

नींद के साथ, रात में मुझको 

स्वप्न तेरे ही खास आते हैं

*

छोड़ मन, आप सिर्फ तन लेकर 

कितने चिंतित-उदास आते हैं

*

गुफ्तगू उनसे हो भला कैसे 

छोड़ बाहर, मिठास आते हैं

*

सार्थक तो मिलन तभी होता 

जब भी, विश्वास पास आते हैं

☆

https://www.bhagwatdubey.com

© आचार्य भगवत दुबे

82, पी एन्ड टी कॉलोनी, जसूजा सिटी, पोस्ट गढ़ा, जबलपुर, मध्य प्रदेश

≈ संपादक – श्री हेमन्त बावनकर/सम्पादक (हिन्दी) – श्री विवेक रंजन श्रीवास्तव ‘विनम्र’ ≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #277 ☆ कोरडवाहू डोळे… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 277 ?

☆ कोरडवाहू डोळे… ☆ श्री अशोक श्रीपाद भांबुरे ☆

☆

ते कोरडवाहू डोळे, मला भेटले होते

ओठांचे गुलाब मीही, त्यास पाजले होते

*

पहिल्यांदा भेटुन सुद्धा, कसा भाळला इतका

मी काही केले नव्हते, फक्त लाजले होते

*

तो वितळत गेला गोळा, ओठी विस्तव होता

बर्फाच्या गोळ्यांने हे, अधर जागले होते

*

विश्वाच्या गोंगाटाचे, ध्यान कुणाला येथे

दोघांच्या एकांताने, विश्व व्यापले होते

*

नजरेचा रोख तयाच्या, पदराला कळलेला

पदराने दोन्ही खांदे, फक्त झाकले होते

*

प्रेमाच्या आणाभाका, कधी घेतल्या नाही

मुखड्यावर घेणे मुखडे, नित्य टाळले होते

*

हे विलासमंदिर होते, कुठेच माती नव्हती

मी फरशी काढुन तेथे, रोप लावले होते

☆

© श्री अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ चैत्र प्रभाती… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ चैत्र प्रभाती… ☆ श्रीशैल चौगुले ☆

☆

प्रातःकाळी रम्य प्रभाती

कोकिळ हे मल्हार गाती

चैत्र फुलव्यांनी चौफेर

पुर्वभाळी कुसूम ज्योती.

*

नभांगणात किलबील

वेली फुलांनी रंग न्हाती

हळुवार मंजुळ वारा

स्पर्श मना देऊन जाती.

*

धरती कोवळ पदरी

लेते सुखांनी रान माती

तुळशी प्रदक्षिणा भाव

किरणे पांघरुन पाती.

*

घंटा-आरती देव्हार्याशी

जाग लोचना सत्य भ्रांती

पाडस गोठ्यात नाचते

गो-हंबर वात्सल्य क्षिती.

क्षिती – निवासी.

 ☆

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्वातंत्र्याचं वारं… ☆ डॉ. तेजस्विनी वाळिंबे ☆

By Hemant BawankarNo Comments

डॉ. तेजस्विनी वाळिंबे

अल्प परिचय 

वैद्यकीय

  • सहकार नगर, पुणे येथे गेली 25 वर्षे नेत्रतज्ञ म्हणून कार्यरत.
  • काचबिंदू व मधुमेहातील नेत्रविकार यातील विशेष प्रशिक्षण. 
  • अनेक राज्यस्तरीय व राष्ट्रीय वैद्यकीय परिषदांमध्ये काचबिंदू या विषयावर व्याख्याने.
  • Antiglaucoma drug trials मध्ये सहभाग.

साहित्यिक 

  • ‘पाहू आनंदे, ‘ व ‘स्मृति-सुधा’ ही पुस्तके प्रकाशित.
  • मराठी साहित्य, योगशास्त्र, भारतीय तत्वज्ञान, चित्रकलेची विशेष आवड.

? कवितेचा उत्सव ?

☆ स्वातंत्र्याचं वारं… ☆ डॉ. तेजस्विनी वाळिंबे ☆

(प्रतिकूल कौटुंबिक आणि सामाजिक परिस्थितीत आपलं स्वातंत्र्य व अधिकार मिळवण्यासाठी झगडलेल्या सर्व स्त्रियांनी समर्पित)

☆

एकदा असाच वारा आला

पिंजऱ्यातला पक्षी मुक्त आकाशात झेपावला

 

आजी माझी सांगत होती….

एकदा असाच वारा आला

घोंगावणारा वारा तिला उंबऱ्याबाहेर घेऊन गेला

 

वाऱ्याच्या झटापटीत खिडकीची तावदाने फुटली

घरातल्या कोंदट हवेला मोकळी वाट मिळाली

 

असाच एकदा वारा आला

स्वामित्वाच्या भिंती फुटून अहंकार चिरडल्या गेला

 

घरी-दारी कल्लोळ उठला

पिंजऱ्याच्या लोखंडी दांड्या तोडून वारा आत घुसला

 

आजी माझी सांगत होती…

जेव्हा असा वारा आला

माझ्या सखीच्या मनी आकांक्षांचे पंख फुटले

चिमुकल्या पंखांना तिच्या वाऱ्याने बळ दिले

 

स्वातंत्र्याच्या प्रकाशाने आकाश उजळून निघाले

निळ्या नभाच्या मोहकतेने तिचे मन आनंदले

 

असाच एकदा वारा माझ्याही घरी आला

शीतल स्पर्श करून मला हलकेच म्हणाला

 

“ऊठ हो जागी चल जाऊ या, उंच नभी “

असाच एकदा वारा आला

…आकांक्षेला स्वातंत्र्याचे पंख लावून गेला

 ☆

© डॉ. तेजस्विनी वाळिंबे

(नेत्रतज्ञ)

पुणे मो. ८८८८८३१९०५

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – ती… – ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

? ती… ? श्री आशिष  बिवलकर ☆

☆

कधी असते ती मायेचा  निर्झर,

कधी  घेते  ती दुर्गेचा  अवतार!

कधी  होते ती रणरागिणी,

कधी देते ती बुडणाऱ्याला आधार!

*
कधी असते ती स्वप्नवेडी,

कधी होते कर्तव्यासाठी  कठोर!

कधी असते ती धुंधीत,

कधी लागतो तिला संसाराचा घोर!

*
कधी उडते ती आकाशात,

तरी  जमिनीची तिला ओढ!

कधी  राबते  ती शेतात,

संसार करते तिचा गोड!

*

अनेक रूपे, अनेक भूमिका

हसत  हसत  ती निभावते!

अंतरातली घालमेल तिची,

हसऱ्या चेहऱ्याआड लपवते!

*

ती शांत राहते, सहन करते,

गृहीतच तिला धरले  जाते!

असते तिलाही तिचे एक मन,

आतल्या आत तिलाच ते खाते!

*

विचार करा तिच्या मनाचा,

जेव्हा होती ती गरोदर!

काळजावर दगड ठेवते,

उदरातली कळी खुडण्याअगोदर!

*

वंशाचा  दिवा हवा म्हणून,

का धरावा तिच्याच पुढे हट्ट!

मुलापेक्षा जणू स्वतः जन्माला येणारीच,

नाते धरून ठेवते कुटुंबाला घट्ट!

*

वाढवा तिच्या पंखातले बळ,

घेऊ दया तिला गरुडझेप!

आकाशी जरी असली ती,

लावायला येईल जखमेवर लेप!

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares