सुश्री नीलांबरी शिर्के
चित्रकाव्य
☆ स्वार्थातूनपरमार्थ… ☆ सुश्री नीलांबरी शिर्के ☆
☆
कुणब्याचा जीव साधाभोळा
मातीत रंगतो जीवन सोहळा
मातीत राबतो उन्हात नाहतो
तण काढाया कमरेस विळा
*
मायेने करतो माती मशागत
बीज पेरायाचे तया भूगर्भात
बीज पेरता नभा विनवणी
पाड अंबरा पाऊस शेतात
*
चरितार्थार्थ राबे दिनरात
स्वार्थातून साधे इथे परमार्थ
अन्नदात्याच्या कष्टाने घास
विश्व मानवजाती मुखात
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सांज झाली सख्या रे... 
