Category: चित्रकाव्य

श्री प्रमोद वामन वर्तक  

  चित्रकाव्य  

आडवा मनोरा… ☆ श्री प्रमोद वामन वर्तक ☆

☆

त्यांच्या मंदीच्या भीतीने 

झाली बाजाराची चाळण,

पंधरालाख कोटी बुडाले 

उडाली बाजाराची गाळण !

*

उडी घेण्याआधी बाजारी 

सारासर विचार करावा,

तुमचे आमचे काम ना हे 

टुकीने संसार चालवावा !

*

नादी लागून बाजाराच्या 

गमावले सर्वस्व अनेकांनी,

धीर धरून अनेक वर्षे 

धन कमावले काहींनी !

*

जर खायची असेल रोज 

मीठ भाकरी सुखाची,

एखाद्या चांगल्या बँकेत 

FD बघा काढायची !

FD बघा काढायची !

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – [email protected]

☆ ☆ ☆ ☆ ☆

सौ. रेणुका धनंजय मार्डीकर

  चित्रकाव्य  

सांग पावसा… ☆ सौ. रेणुका धनंजय मार्डीकर ☆

☆

सांग पावसा सांग मला

काय देऊ मी सांग तुला

फुललेला तू ऋतू दिला

रंग गुलाबी फुला फुला

*

पाकळी मजला मोहविते

कळी कळी उमलून देते

हिरव्या हिरव्या पर्णपाचुच्या

देठासंगे घेई झुला

सांग पावसा……

*

कधी मी बावरुनी जाते

गोड खळी गाली येते

प्रेम झुल्यावर घेताना

हिंदोळा हा खुला खुला

सांग पावसा……..

*

अवचित लाली आलेली

सर ओलेती न्हालेली

कुंतलात मग अलगद माळून

छेड छेढतो कानडुला

☆

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

– अराजक… –  ☆श्री आशिष  बिवलकर ☆

☆

बांग्लादेश जळे | माजे अराजक |

हसीना बेशक | || आश्रयास ||१||

 *

लाडकी बहीण | भारतात आली |

उरला ना वाली | तिच्या देशी ||२||

*

लोकशाही लागे | उतरती कळा |

लष्कराच्या बळा | बांग्लादेश ||३||

 *

कट्टर पंथीय | करी नंगा नाच |

पलायन हाच | एक मार्ग ||४||

 *

आरक्षण पेटे | आंदोलन मुद्दा |

ठोकशाही गुद्दा | पाठी तिच्या ||५||

 *

सत्तावन देशी | सत्ता एक धर्म |

सहिष्णूता मर्म | हिंदुस्थान ||६||

 *

भारतात ज्यांना | वाटे खोटी भीती |

विपरीत मती | जाणा त्यांची ||७||

 ☆

© श्री आशिष  बिवलकर

दि. 07 ऑगस्ट 2024

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  # 1

 

– कारगिल विजय-दिन… –  ☆श्री आशिष  बिवलकर ☆

☆

उतुंग आमची उत्तर सीमा,

कारगील तिथला मानबिंदू !

वाईट नजर शत्रूची त्यास,

शीर शत्रूचे तिथेच छेदू !

*

भारत मातेच्या मुकुटासाठी,

कारगिलवर पाकचा हल्ला !

रणशिंग फुंकले शूरविरांनी ,

दुम दुमला एकच तो कल्ला !

*

डोळ्यात तेल घालून जवानांनी,

सीमेवर दिवसरात्र घातली गस्त!

बिशाद केली त्या पाकड्यांनी,

केले तिथेच  त्यांना उध्वस्त !

*

इंच इंच भूमीसाठी,

उंच उंचावर जवान लढले !

मातृभूमीच्या रक्षणासाठी,

हसत हसत धारातीर्थ पडले !

*

रक्त सांडले जवानांनी,

कारगिल भूमी केली पावन !

स्मरण  आज विजय दिनाचे,

देशवासी करती वीरांना नमन !

*

जय हिंद

☆

  चित्रकाव्य  # 2

– स्थितप्रज्ञ तो एकमेव… –  ☆श्री आशिष  बिवलकर ☆

☆

संकटातही न डगमगता,

दिनक्रम राही ज्याचा ठाम |

कोणी वंदावे कोणी निंदावे,

स्थितप्रज्ञ तो एकमेव तळीराम |

*

कोणतेही असो संकट,

तो दिनक्रम मोडत नाही |

प्रयत्नांची पराकाष्ठा करून,

साथ तिची सोडत नाही |

*

सुखाचा असो वा दुःखाचा क्षण,

तिच्या प्रेमावरून नाही तो ढळत |

तिला सोडून जगात दुसरीकडे,

लक्ष त्याचे कधीच नाही ते वळत |

*

व्यसनमुक्तीचे संदेश गप्पा,

त्याच्या लेखणी ठरतात व्यर्थ |

एक एक प्याला रिचवत,

आला दिवस लावतो सार्थ |

*

एकच प्याला मधील सुधाकर,

त्याच्यासाठी आदराचे स्थान |

आपल्याच  मस्तीत जगायचे,

कशाला बाळगावे जगाचे भान |

*

दि 04 ऑगस्ट 2024

☆

  चित्रकाव्य  # 3

– लाडकी बहीण… –  ☆श्री आशिष  बिवलकर ☆

☆

पंधराशे येती | आता खटाखट |

चला पटापट | बहिणींनो  ||१||

*

दिवाळखोरीला | एक नवी वाट |

तिजोरीला चाट | लावुनिया ||२||

*

अक्कल धावते | आता घोड्यापुढे |

हातबट्टा पाढे | घोकूनिया ||३||

*

करदात्या तुझी | चालतसे लूट |

सत्ता ही बेछूट  | भोगायसी ||४||

*

आंधळं दळत | कुत्र पीठ खातं |

असंच घडतं |  कलयुगी ||५||

*

फुकट मिळते | नसते किंमत |

कशी ही हिम्मत | निर्णयाची ||६||

*

लाडकी बहीण | राखा तिची लाज |

नको तिला साज | बिब्बा म्हणे ||७||

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

सुश्री ज्योत्स्ना तानवडे

  चित्रकाव्य  

– लेकुरवाळा –  ☆ सुश्री ज्योत्स्ना तानवडे ☆

☆

सावळ्या हरीचे रूप हे साजिरे 

संत मांदियाळी विठूचे गोजिरे ||

*

ज्ञाना तुका नामा हाती कडी घेती

निवृत्ती सोपान सवे चालताती

लेकुरवाळे रूप पाहुनी भान नुरे

सावळ्या हरीचे रूप हे साजिरे ||

*

वाळवंटी सारे संत जमा झाले

संतांच्या मेळ्यात देव दंग झाले

मायबाप हरी संगे विठू घोष पसरे

सावळ्या हरीचे रूप हे साजिरे ||

*

वारीची पर्वणी जीव शिव जमले

चंद्रभागा तीर नाचू गाऊ लागले

दंग पंढरी क्षेत्र नामाच्या गजरे

सावळ्या हरीचे रूप हे साजिरे ||

☆

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री प्रमोद वामन वर्तक  

  चित्रकाव्य  

भक्तांची आण… ☆ श्री प्रमोद वामन वर्तक ☆

☆

विरह विठुरायाचा 

होणार आजला दूर

सावळ्याच्या पंढरीला

येई भक्तीचा महापूर

*

धन्य झाली चंद्रभागा

सारी पंढरी रंगली

पांडुरंगाच्या दर्शनाने 

भक्ती रसात दंगली 

*

नको देवू तू अंतर

जीव तुटे तुझ्याविण

घडुदे वारी दरवर्षी

तुला भक्तांची आण 

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

  चित्रकाव्य  

– निसर्ग… –  ☆ प्रा तुकाराम दादा पाटील ☆

☆

निसर्ग ही तर खरी आठवण करून देतो 

मायावी आरसा होऊन तुझ्या समोर येतो 

ढळलेल्या मनाचा दु:खी माणूस तेव्हा

 आवेगाने  सावरून कसा सुखी होतो

*

अद्भुत किमया अचानक अशी उजागर होते 

बघणाराला ऐश्वर्याचे दृष्टी दान मिळते 

हीच अपार किमया असते परमेशाची

इथेच नात्यांची नात्याशी खरी नाळ जुळते

*

तू तुझा म्हण किंवा हवंतर माझा म्हण

पण हे जगच या जगाचा नित्य परिपोष करते 

हेच माणसांनी कधी काळी विसरू नये

येवढीच त्या अनंताची माफक अपेक्षा असते 

*

आपण काय आज आहेत उद्या कदाचित नाही 

विश्व त्याचे अफाट सौंदर्य कायम जपत राहील 

औदार्याच्या खुणा त्याच्या जगाला दिसतील कायम

पण मुक्तपणे जगणारा चिरंजीव आत्मा येईल जाईल

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈