सुश्री नीलांबरी शिर्के
चित्रकाव्य
☆
फुल हिरवे पान हिरवे
हिरवाच त्यांचा गंध
कितीही लपला पानात
तरी सुग॔धच करी धुंद
*
तीच धुंदी उद्युक्त करी
शोध घेण्या गंधाचा
कितीही लपला गर्द पानी
परिमल सांगे पत्ता त्याचा
☆
© सुश्री नीलांबरी शिर्के
श्री प्रमोद वामन वर्तक
चित्रकाव्य
सोबती… ☆ श्री प्रमोद वामन वर्तक ☆
☆
सोबत सोडून मित्रांची
म्हटले एकटेच फिरूया
एकदा आपल्या डोळ्यांनी
दुनिया आपण अनुभवूया
*
बघतांना अनोखी दुनिया
फिरून फिरून थकलो
आणि नेहमीच्या सवयीने
पार्किंग लॉटात विसावलो
*
कधी लागला माझा डोळा
माझे मलाच नाही कळले
पडता अंगी पिवळी बेडी
डोळे खाडकन उघडले
*
“लॉटच्या मधे उभा मी
यात नियम कुठे मोडला?”
धीर करून विचारले
एका अदृश्य पोलीसाला
*
“सोबत मित्रांची सोडलीस
हाच तुझा मोठा गुन्हा
आज ताकीद देतो तुला
करू नको ही चूक पुन्हा”
करू नको ही चूक पुन्हा”
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – [email protected]
☆ ☆ ☆ ☆ ☆
सौ. रेणुका धनंजय मार्डीकर
चित्रकाव्य
उमलून आले स्थलपद्म… ☆ सौ. रेणुका धनंजय मार्डीकर ☆
☆
उमलून आले स्थलपद्मम्
रूप मनोहर विहंगम्
कलिका बहरती शतपुष्पम्
मम् मानसी रुजले पाटलम्
*
पावस ऋतु हा मनमोही
रूप पाहुनी लवलाही
अंतरमन गाणे गाई
शुभ्र धवल रूपडे पाही
*
बहरून आल्या पहा खुळ्या
हिरव्या पानी शुभ्र कळ्या
पर्जन्याचे स्वागत करण्या
गुलाब झाल्या त्या सगळ्या
☆
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
कोवळ्या कळ्यांना कसे समजावे ???? ☆ श्री आशिष बिवलकर ☆
☆
कोवळ्या कळ्यांना कसे समजणार,
गुड टच बॅड टच कशाला ते म्हणतात |
विकृत मनोवृत्तीची शिकार होऊन,
क्रूर हैवानी वासनेला बळी पडतात |
*
वरकरणी माणसाच्या चेहऱ्याआड,
वासनाधुंद नराधम लपलेला असतो |
बिचारा गरजू आहे हेच समजून,
नकळत आपणच नको तिथे फसतो |
*
सरस्वती मंदिरात पाल्यास पाठवतांना,
पालकांच्या मनी असतो दृढ विश्वास |
सुरक्षित वातावरणात विद्यार्जन चालेल,
होणार नाही बालकास कुठला त्रास |
*
एक अशुभ दिवस उजाडतो, ,
माणसातला हैवान साधतो त्याचा डाव |
कोवळ्या जीवास असंख्य वेदना,
आयुष्यभरासाठी जिव्हारी बसतो घाव |
*
काय घडलंय तिच्या बाबतीत,
सांगायचे तिलाच माहित नसते |
सुसुच्या जागी खूप दुखतय,
इतकंच पालकांना दाखवत असते |
*
चिंताग्रस्त पालक तिला घेऊन,
डॉक्टर काकांकडे जातात |
प्रकार सारा लक्षात येताच,
मुळापासून पुरते हादरतात |
*
फिर्याद करायला आई मुलगी,
सरळ पोलीस स्टेशन गाठतात |
पोलीस बारा तास तिष्ठत ठेवत,
प्रकरण दाबण्याचा प्रयत्न करतात |
*
भ्रष्ट आणि असंवेदनशील अधिकारी,
तक्रार नोंदवायाला करते टाळाटाळ |
अन्यायाला वाचा फोडण्यासाठी आता,
पेट घेते जनआक्रोशाचे आभाळ |
*
व्यवस्थेने दाबलेल्या एका ठिणगीचा,
रान पेटवणारा होतो तिचा वणवा |
जनतेच्या आंदोलनाची धग बसताच,
षंढ प्रशासनाला दिसतात उणीवा |
*
भडकते आंदोलन, पेटत सारं रान,
मुंबईच्या लाईफ लाईनला बसतो ब्रेक |
बडे अधिकारी, मंत्री, संत्री, कुत्री,
समजूत काढायला आले एकामागून एक |
*
नेतृत्वहीन आंदोलन आवरायाला,
पोलीस बळाचा झाला वापर |
न्यायाच्या मागणीसाठी झालेल्या,
जनआंदोलनावर फुटले खापर |
*
साठ वर्ष ज्ञानाची सावली धरणाऱ्या,
वट वृक्षावर अचानक वीज पडते |
इतक्या वर्षांच्या कडक तपश्चर्येला,
कुठेतरी गालबोट मात्र नक्कीच लागते |
*
जनआंदोलनाच्या तापलेल्या तव्यावर,
राजकारणी आपली पोळी भाजत आहे |
सुसंस्कृत ऐतिहासिक शहराला काळिमा
लागला म्हणून बदलापूरकर लाजत आहे |
*
वासनाधुंद हैवानाच्या पापाची शिक्षा,
सर्वसामान्य नागरिक भोगत आहे |
कूर्मगतीने चालणाऱ्या व्यवस्थेकडे,
चिमुरडीसाठी जलद न्याय मागत आहे |
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री नीलांबरी शिर्के
चित्रकाव्य
☆
( १ )
इवल्या इवल्या पोरी
निष्पाप निरागस
आपल्या बाबांच्या
वयाच्या पुरूषाला
काका म्हणणाऱ्या
मोठ्या मुलांना दादा
दादा म्हणून बोलणाऱ्या ….
*
त्यांना कळतच नाही
याच दादा काकांमध्ये
वावरत असतो नीचपणा
हलकट पाशवी वृत्ती
त्यांना तुमच्यात दिसतं
तुमचं मुलगी असणं …..
*
त्यांना ओळखताही येत नाही
किंवा विशेषण नसत त्यांना
तुमच्या निरागसतेला
सावध करण्यासाठी
ते संभावितपणे वावरतात
समाजात सहजपणे
अन मोका मिळताच
चुरगळतात निष्पाप कळ्या ……
*
कशा ठेवायच्या लेकीबाळ्या
जरा मोठ्यांना काही
सांगता तरी येतं ,
पण तरीही घरातली पोर
बाहेर गेली की मन
कावरंबावरं होतंच होतं ….
*
आल्यावरही लक्ष जातंच
ती गप्प आहे का ?
तिला कोणी छेडलं तर नसेल
अशा नाही नाही त्या विचाराने…
कवयित्री : नीलांबरी शिर्के
( २ )
कसे कळावे जनसमुदायी
कोण सज्जन आणि संत
भय वाटते सततच आता
अस्वस्थतेला नाही अंत
*
निरागस कळ्या घराघरातील
वावरती घरीदारी शाळेत
सुरक्षित त्या नाहीत आता
धाकधुक अन वाटतसे खंत
*
अबोध अजाण मूक कळ्या
चुरगळल्या जाती वाटे मना
कसा ओळखू हरामजादा
मती गुंग अन काही कळेना
*
असेल ज्याच्या मनात पाप
वाटे तयाला फुटावे शिंग
कुकर्म त्याच्या मनात येता
आपसूक सडावे त्याचे लिंग ….
☆
© सुश्री नीलांबरी शिर्के
श्री आशिष बिवलकर
चित्रकाव्य
– रक्षाबंधन असेही… – ☆श्री आशिष बिवलकर ☆
☆
दगडांच्यात आयुष्य,
दगडाचा बसायला पाट !
पारणं डोळ्यांचं फिटलं,
पाहून रक्षाबंधनाचा थाट !
रस्ता बनवता बनवता,
मुलं बाळं वाढती रस्त्यावर !
सणवार त्यांनाही असतात,
पण हक्काचे कुठे नाही घर !
विंचवासारखे बिऱ्हाड,
फिरे गावोगाव पाठीवर !
पोटासाठी मोलमजुरी,
नशिबाने बांधल्या गाठीवर !
रंक असो वा राव,
भावा बहिणीत तेवढीच ती ओढ !
आपल्या आपल्या परीने ते,
साजरा करती सण आनंदाने गोड !
राखीचा धागा,
सोन्याचा असो वा रेशमचा !
मनगटाला शोभे,
भाव दोघांच्या मनी आपुलकीचा !
औक्षणाचे ताट नसले तरी,
नेत्रज्योतीने बहीण करते औक्षण !
रक्षण कर छोट्या भाऊराया,
तुझे प्रेम तिच्यासाठी जगी विलक्षण !
चिंधी बांधे द्रौपदी,
हरी धावला तिच्या रक्षणाला !
रक्ताचे नव्हते नाते,
जागला चिंधीच्या बंधनाला !
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री वर्षा बालगोपाल
चित्रकाव्य
पॅरिस ऑलिंपिक सुश्री वर्षा बालगोपाल ☆
☆
खेळ मांडीयेला पॅरिस देशी ।
खेळती जागतीक खेळाडू रे।
देश अभिमान आला उभारून ।
एक मेकांशी चाले स्पर्धा रे ॥१॥
*
गतीमानता, उच्चता आणि तेजस्विता
यांचा सुंदर मेळा ।
सुवर्णं रौप्य कास्य पदक वर्षाव ।
अनुपम्य सुखसोंहळा रे॥२॥
*
वर्णअभिमान विसरली याती
खेळ खेळाडू हीच नाती ।
खिलाडू वृत्तीने जालीं नवनीतें।
हार जीत नावा पुरती रे॥३॥
*
होतो जयजयकार गर्जत अंबर
मातले हे खेळाडू वीर रे।
देशांमध्ये साधण्या एकोपा या योगे ।
पाच खंडाचे घेऊन प्रतीक रे ||४||
*
आयफेल टॉवर सम कार्य करू मोठे
देश नाव उज्ज्वल करू
बोलू नाही आता करून दाखवू
कार्य नेत्रदीपक रे ||५||
*
खेळ मांडीयेला पॅरिस देशी ।
खेळती जागतिक खेळाडू रे।
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
– जिवलग मित्र सारे… – ☆श्री आशिष बिवलकर ☆
☆
जन्माला जरी आलो एकटा,
मित्रांनी नाही जाणवून दिले एकटेपण!
अनेक सुख दुःख आली,
हाक न मारता धावून आले सारेजण!
*
बालवाडी खेळी एकत्र दमलो,
तारुण्यात मौजमस्तीत रमलो!
तिसरा अंक येईल तेव्हा येईल,
वर्तमानात एकमेकांसाठी जमलो!
*
कधी जरी उदास वाटे मनाला,
डोळे पाहून मनातले सारे वाचतात!
कष्ट करून यश मिळते तेव्हा,
माझ्यापेक्षा तेच आनंदाने नाचतात!
*
आर्थिक प्रगती पुढे मागे असे,
तुलना सुखाची कुणा अंतरी नसे!
एकाच कट्ट्यावर एकत्र सारे बसे,
निखळ मैत्रीचा भाव ह्रदयात वसे!
*
आयुष्यभर साथ दिलीत,
भावनांचा केला नाही कधी धंदा!
अमरपट्टा नाही घेऊन आलो,
जाईन तेव्हा मित्रांचाच मिळू दे खांदा!
☆
© श्री आशिष बिवलकर
दि. 07 ऑगस्ट 2024
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री नीलांबरी शिर्के
चित्रकाव्य
☆ आकाशाकडे पाहून
मी हात जोडते आता
या वर्षा काळामध्ये
असाच रहा बरसता
*
तु बरसण्या नेहमी
गणित ठरलेले असते
तु तसेच रहा नीत्य
नाहीतर सारे बिघडते
*
झाडांची कत्तल झाली
डोंगरही सपाट केले
काहींच्या स्वार्थापोटी
पर्यावरण बिघडू गेले
*
तुझा बिघडण्या ताल
हे खरेच सारे ठरले
कुणब्याचे जीवन सारे
अनिश्चतेने भरून गेले
*
दिनरात राबतो कुणबी
उघड्यावर करी चाकरी
तव नियमित येण्यानेच
मिळते तयास भाकरी
*
शेतकरी कष्टतो म्हणूनी
सर्व जगताचे भरते पोट
भूक लागते जगण्याला
काय करेल केवळ नोट
*
पंचतत्वे शरिर बनलेले
पंचतत्वे चराचर चाले
पाच तत्वा जोडूनी हात
म्हणू जोडून राहू सगळे
☆
© सुश्री नीलांबरी शिर्के
श्री प्रमोद वामन वर्तक
चित्रकाव्य
आडवा मनोरा… ☆ श्री प्रमोद वामन वर्तक ☆
☆
त्यांच्या मंदीच्या भीतीने
झाली बाजाराची चाळण,
पंधरालाख कोटी बुडाले
उडाली बाजाराची गाळण !
*
उडी घेण्याआधी बाजारी
सारासर विचार करावा,
तुमचे आमचे काम ना हे
टुकीने संसार चालवावा !
*
नादी लागून बाजाराच्या
गमावले सर्वस्व अनेकांनी,
धीर धरून अनेक वर्षे
धन कमावले काहींनी !
*
जर खायची असेल रोज
मीठ भाकरी सुखाची,
एखाद्या चांगल्या बँकेत
FD बघा काढायची !
FD बघा काढायची !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – [email protected]
☆ ☆ ☆ ☆ ☆
सौ. रेणुका धनंजय मार्डीकर
चित्रकाव्य
सांग पावसा… ☆ सौ. रेणुका धनंजय मार्डीकर ☆
☆
सांग पावसा सांग मला
काय देऊ मी सांग तुला
फुललेला तू ऋतू दिला
रंग गुलाबी फुला फुला
*
पाकळी मजला मोहविते
कळी कळी उमलून देते
हिरव्या हिरव्या पर्णपाचुच्या
देठासंगे घेई झुला
सांग पावसा……
*
कधी मी बावरुनी जाते
गोड खळी गाली येते
प्रेम झुल्यावर घेताना
हिंदोळा हा खुला खुला
सांग पावसा……..
*
अवचित लाली आलेली
सर ओलेती न्हालेली
कुंतलात मग अलगद माळून
छेड छेढतो कानडुला
☆
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री आशिष बिवलकर
चित्रकाव्य
– अराजक… – ☆श्री आशिष बिवलकर ☆
☆
बांग्लादेश जळे | माजे अराजक |
हसीना बेशक | || आश्रयास ||१||
*
लाडकी बहीण | भारतात आली |
उरला ना वाली | तिच्या देशी ||२||
*
लोकशाही लागे | उतरती कळा |
लष्कराच्या बळा | बांग्लादेश ||३||
*
कट्टर पंथीय | करी नंगा नाच |
पलायन हाच | एक मार्ग ||४||
*
आरक्षण पेटे | आंदोलन मुद्दा |
ठोकशाही गुद्दा | पाठी तिच्या ||५||
*
सत्तावन देशी | सत्ता एक धर्म |
सहिष्णूता मर्म | हिंदुस्थान ||६||
*
भारतात ज्यांना | वाटे खोटी भीती |
विपरीत मती | जाणा त्यांची ||७||
☆
© श्री आशिष बिवलकर
दि. 07 ऑगस्ट 2024
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
