Category: कवितेचा उत्सव 2

प्रा डॉ जी आर प्रवीण जोशी

 कवितेचा उत्सव 

☆ माय मराठी गौरव दिन… ☆ प्रा डॉ जी आर प्रवीण जोशी ☆

☆

सह्याद्रीचे पाणी झुळझुळ

पडता कपारीतून होते निर्मळ

मनामधुनी झुरतो मरहट्ट हा

होते रचना अमृत प्रांजळ

*

माय बोलीचे करता पूजन

स्त्रवते रांगडी भाषा उज्वल

वागेश्वरीला करता आवाहन

पडती शब्द ओज्वळ सोज्वळ

*

शब्द अलंकार धरता वेठीस

साद देतो मायेने आईस

गाय हंबरते देखता पाडस

फुटे पान्हा निव्वळ मधाळ

*

तप्त तव्यावर फुटती लाह्या

शब्द बिलगती गाणी गाया

सप्तरंगाच्या इंद्रधुनवर

माय बरसते मधुर रसाळ

*

काव्य असावे अक्षर प्रांजळ

जशी वाजते बासरी मंजुळ

जशी काया राधा नितळ

लेणी घडावी सुंदर कातळ

*

संत महात्मे इथे नांदले

अभंग भारुड दिंड्या गायिले

 ज्ञानियाचा राजा होता मंगल

 कीर्तनास त्याच्या होई वर्दळ

*

यवनाची वाढता सळ सळ

नराधमाची होई कत्तल

हरहर महादेव नारा ऐकुनी

जागे झाले बारा मावळ

*

माय भवानी अंबाबाई

सदा आशीर्वाद तिचा पाठीशी

तिच्याच नावाने वाजवतो संबळ

सारस्वतांचा घालतो गोंधळ

☆

© प्रो डॉ प्रवीण उर्फ जी आर जोशी

ज्येष्ठ कवी लेखक

मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष बिवलकर

 

  चित्रकाव्य  

बाईपण भारी देवा…  श्री आशिष बिवलकर ☆

☆

बाईपण भारी | असतेच देवा |

जपतेच ठेवा | संस्कारांचा ||१||

*

बाईपण देते | पुरुषास बळ |

सोसतेच कळ | अंतरीची ||२||

*

बाईपण मनी | आभाळाची माया |

झिझवते काया | संसारात ||३||

*

बाईपण झाके | हृदयात दुःख |

दाखवते सुख | इतरांसी ||४||

*

बाईपण अंगी | दुर्गा अवतार |

करते संहार | दुर्जनांचा ||५||

*

बाईपण देखे | स्वप्न स्वराज्याचे |

यश शिवबाचे | जिजाऊत ||६||

*

बाईपण दावी | सामर्थ्याची दिशा |

जगण्याची आशा | उमेदीने ||७||

☆

© श्री आशिष बिवलकर

बदलापूर 

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री रविंद्र सोनवणे

  चित्रकाव्य  

स्त्री शक्ती… ☆ श्री रविंद्र सोनवणे ☆

☆

हरेन मी पुन्हा पुन्हा 

जिंकेन परी मी शेवटी 

यत्न ना सोडेन कधी

असले जरी मी एकटी ||

*

अबला न मी, कृतीशील मी

गंभीर पण खंबीर मी

ओझे आहे खांद्यावरी

आकाशही पेलेन मी ||

*

ध्येयधुंदी अंतरी

उत्साह मज बेबंद आहे

संकटांना नमविण्याचा

मज अनोखा छंद आहे ||

*

कोण मजला अडवितो

तटबंदीही भेदेन मी

दश दिशा मज मोकळ्या 

सगळीकडे विहरेन मी ||

*

ढासळणारे धैर्य सावरुन

कोसळताना उठते मी

वैफल्याच्या धुक्यातूनही

क्षितिजा पल्याड बघते मी ||

*

गर्व आहे मज स्त्री शक्तीवर

पर्व नवे अनुभवते मी

अवश्य या आशीष द्यावया

सिद्ध आहे स्वागतास मी ||

☆

© श्री रविंद्र सोनवणे

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

भ्रमणध्वनी : ९२२२०५३४३५/८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. जस्मिन शेख

 कवितेचा उत्सव 

☆ मराठी गोडवे गीत… ☆ सौ. जस्मिन शेख ☆

☆

ती

अरे हो हो हो $$$$

ऐका गाते मी गोडवे

माझ्या माय मराठीचे

मनामनाशी नाळ जोडते

शब्दांगण तिचे कौतुकाचे

माझी अभिजात मराठी माय

माझी अभिजात मराठी माय ||१||

तो

अगं हे हे हे $$$$

शब्दांची उधळण करुनी

शब्दांचाच प्रसाद देऊनी

ज्ञानमंदिराची दारे उघडुनी

जनसागरास करते ज्ञानी

माझी अभिजात मराठी माय

माझी अभिजात मराठी माय ||२||

ती

भाळी शोभे बिंदी अनुस्वाराची

पायी छुमछुम पैंजण उकारांची

डोई मुकुटे चमकती वेलांटीची

अशी नटून येई नार नक्षत्रांची

माझी अभिजात मराठी माय

माझी अभिजात मराठी माय ||३||

तो

नाजुक नार असे जरी माय

प्रसंगी वज्रापरी होऊनी जाय

दुधावरची असेल ती साय

तरीही…

ती

तरीही…

तो

तरीही चुकीला माफी नाय

माझी अभिजात मराठी माय

माझी अभिजात मराठी माय ||४||

दोघे

सर्वांच्या मनात ती असते

सुर तालाच्या ओठी वसते

हळूच गाली खुलुनी हसते

महाराष्ट्राच्या माथी सजते

माझी अभिजात मराठी माय

माझी अभिजात मराठी माय ||५||

☆

© सौ. जस्मिन शेख

मिरज जि. सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. उज्वला सुहास सहस्रबुद्धे

 कवितेचा उत्सव 

☆ नारीशक्ती… ☆ सुश्री उज्वला सुहास सहस्रबुद्धे ☆

☆

 नारी शक्ती, तुजवर भक्ती,

 साऱ्या दुनियेची !

जरी शिवाची महती मोठी,

 कीर्ती पार्वतीची!

*

 द्रौपदी, तारा, मंदोदरी त्या,

 झाल्या पुराणात!

रूपे त्यांची पुढे बदलली,

 आधुनिक काळात!

*

 झाशीची ती राणी लक्ष्मी,

 झाली‌ तडफदार!

 वीर तारा, येसू झुंजल्या!

 घेऊन तलवार!

*

 कास धरून शिक्षणाची ती,

 मनी एकच ध्यास,

 हाती घेई पाळण्याची दोरी!

 उध्दरी बालकांस!

*

 समानतेच्या सर्व संधींचा,

 घे तूच फायदा !

 नारी असशील तरी जगी,

 मिळव शक्ती, ज्ञान, संपदा!..

☆

© सुश्री उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री दीप्ती कुलकर्णी

 कवितेचा उत्सव 

☆ अभिजात भाषा-मराठी… ☆ सुश्री दीप्ती कुलकर्णी ☆

☆

आज भाषा मराठी ठरे अभिजात

लाभे सन्मान तिला अखिल विश्वात

गीतेचे सार थोर घुमतसे जगता|त

होतसे मराठी अभिमानास पात्र ||१||

*

ज्ञानदेवे रचिलासे पाया

तुकयाने केला कळस

मराठीचा तो नामघोष

कळू दे आता जगास ||२||

*

सारस्वत थोर-थोर

वर्णिती तिची गाथा

नतमस्तक. मी होते

मराठीचे गुण गाता ||३||

*

मराठीचा परिमल दरवळे

शब्दफुले लेती लेणे

साहित्याची मांदियाळी

शब्दातुनी गाती गाणे ||४||

*

मराठीचे गुण महान

गाती मुखे थोर-सान

अमृताते पैजा जिंके

मराठीची अशी शान ||५||

☆

© सुश्री दीप्ती कोदंड कुलकर्णी

कोल्हापूर 

भ्र.९५५२४४८४६१

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

प्रा. सुनंदा पाटील

कवितेचा उत्सव

☆ श्वास उरले मोजके प्राणात माझ्या… ☆ प्रा. सुनंदा पाटील ☆

☆

लाजली थोडी गझल श्वासात माझ्या

शब्दही पडलेत ना प्रेमात माझ्या

*

ओळखू येतील माझे मित्र सारे

वेदने तू येत जा घरट्यात माझ्या

*

मी न लिहिल्या पुस्तकांच्या भव्य राशी

दोन ओळी जीवना बोटात माझ्या

*

पांढऱ्या भाळावरी नव्हतीच लाली

रंग हिरवा आडवा रस्त्यात माझ्या

*

प्रीत मी मागू कुणाला सांजवेळी

श्वास उरले मोजके प्राणात माझ्या

☆

गझलनंदा

© प्रा.सुनंदा पाटील

गझलनंदा

८४२२०८९६६६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈