कविराज विजय यशवंत सातपुते
कवितेचा उत्सव # 140 – विजय साहित्य
☆ गणाधीश गणपती ☆ कविराज विजय यशवंत सातपुते ☆
माझा गणपती बाप्पा
कलागुण अधिपती
आद्य काव्य लेखनिक
गणाधीश गणपती…! १
माझा गणपती बाप्पा
पाई जास्वंदीचे फूल
लोटांगण देवा तुला
नको संकट चाहूल….! २
अष्ट विनायक क्षेत्री
पाहू तुझे निजरूप
सुखकर्ता दुःख हर्ता
परीमळे दीप धूप….! ३
गौरी पुत्र गजानन
लंबोदर एकदंत
आहे संकट नाशक
दूर करी क्लेष खंत….! ४
माझा बाप्पा गणपती
माझा सखा सवंगडी
जपोनीया ठेवितसे
गोड गुपिते ती बडी…..! ५
कार्यारंभी स्तवनाने
कार्य निर्विघ्न सफल.
आहे ओंकार स्वरूप
विघ्नेश्वर हा सकल…..! ६
कला आणि विद्याधीश
माझा बाप्पा गणपती
नाम संकीर्तनी वाढो
कविराज मतीगती……!७
© कविराज विजय यशवंत सातपुते
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
चित्रातून कशीबशी बाहेर आली मोनालिसा? 
