मराठी साहित्य – कवितेचा उत्सव ☆ नाती… ☆ श्रीमती अनुराधा फाटक ☆

By Hemant BawankarNo Comments

श्रीमती अनुराधा फाटक

? कवितेचा उत्सव ?

☆ नाती… ☆ श्रीमती अनुराधा फाटक ☆

झाडावरची फुलं तोडावीत

तितक्याच सहजपणानं

तू नाती जोडत गेलीस

कारणांनी,कारणाशिवाय

नात्यांचा हारच बनविलास

स्वतःला गुंतवून टाकलंस

इतकं की…तुझ्यासाठी

असलेलं नातंच विसरलीस

आपल्या नात्याच्या धाग्यात

सर्वांना बांधणारं तुझं

अस्तित्व दिसेनासं झालं

हारातल्या दोऱ्याप्रमाणं !

आणि त्यांनी..

स्वतःच्या अस्तित्वाचं फूल

फुलविण्यासाठी…

तुझंच नातं वापरलं

तुझं अस्तित्व नाकारत

तुला खरं सांगू..

झाडावरची फुलं

झाडावरच ठेवावीत

नाती नात्यासारखीच जपावीत !

© श्रीमती अनुराधा फाटक

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 113 – हे बंध रेशमाचे ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 113 – हे बंध रेशमाचे ☆

ताई माझी हिरकणी

झेप तिची वाघीणीची।

बाणा कणखर तरी

मनी प्रित राजसाची।

 

अशी लाघवी निर्मळ

जोडी लाभली प्रेमळ।

लाभे मृगनयनीला

दोन पाडसं सोज्वळ।

 

करी पक्वान्न सुरस

प्रेमे भरवी आवडी।

सखे हातात ग तुझ्या

असे अमृताची गोडी

 

भाऊबंध नातीगोती

संगे साथी नि सोबती

बंध रेशमाचे जोडी

दोन ह्रदये जाणती ।

 

नसो उणे इथे काही

जोडी राहो जन्मांतरी।

मार्ग उजळो यशाचा

साथ लाभो सौख्यांतरी।

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #135 ☆ नाती जपूया…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 135 – विजय साहित्य ?

☆ नाती जपूया… ! ☆ कविराज विजय यशवंत सातपुते ☆

आद्य गुरू मायबाप

स्थान त्यांचे अंतरात

नाती जपूया प्रेमाने

भावस्पर्शी काळजात …१

 

आज्जी आजोबा घराचे

सौख्य समृध्दी दालन

तत्त्वनिष्ठ संस्कारांचे

ध्येयवादी संकलन … २

 

काका, काकू, मामा,मामी

आत्या मावशीचा बोल

कधी धाक , कधी लाड

भावनांचा समतोल …३

 

मित्र मैत्रिणीचे नाते

काळजाचा गोतावळा

सुख दुःख समाधान

असे उरी कळवळा …४

 

नाते बंधु भगिनींचे

वैचारिक छत्रछाया

घास अडतसे ओठी

धावतसे प्रेममाया … ५

 

नाते सहजीवनाचे

लेणे सासर माहेर

नाती जपूया प्रेमाने

देऊ काळीज आहेर…६

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ पड होऊन पाऊस… ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

? कवितेचा उत्सव  ?

⛈️ पड होऊन पाऊस… ☔ सुश्री नीलांबरी शिर्के ☆ 

धरती अन आभाळाचे

हे केवढे अंतर

नभा भरलेपणाचा

आता सोसवेना भार

 

अरे बरस बरस

गच्च भरलेल्या धना

न्हाऊ घाल धरीत्रीला

आता विरह सोसेना

 

नको दाऊ उगा ताठा

तुझ्या पुरूषपणाचा

तुझा थेंब थेंब येथे

अरे लाखाच्या मोलाचा

 

स्रुष्टी देवतेला तुझे

आता वरदान हवे

हिरवेगार सौभाग्याचे

वस्त्र पांधरू दे नवे

 

तुझे सौभाग्याचे देणे

हाच तुझा बडिवार

ताण किती दावणार

 

जरी गळामिठी नाही

तरी भिजव अधर

बीज अंकुरण्यासाठी

दे ना थोडासा आधार

 

अरे माता ही जगाची

पुत्रवती तिची कुस

पुत्र औक्षवंत होण्या

पड होऊन पाऊस

©  सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ भूतली वैकुंठ… ☆ सौ.ज्योत्स्ना तानवडे ☆

By Hemant BawankarNo Comments

सौ.ज्योत्स्ना तानवडे

? कवितेचा उत्सव ?

☆ वनविहार… ☆ सौ.ज्योत्स्ना तानवडे ☆ 

(वृत्त – हरिभगिनी / स्वरगंगा)

मला आवडे स्वैरपणाने रानावनात हिंडावे

भीड सोडुनी खुशाल तेथे मुक्तपणाने बोलावे

 

कधी स्वतःशी बोलत बसणे गर्दी पेक्षा आवडते

विचारमंथन स्वतःचेच हे संवादाविण आवडते

 

ऐकत बसणे पक्षांचे स्वर आनंदाची खाण असे

संगितात या किती विविधता नादमधुरता  खूप असे

 

झाडांशी त्या हितगुज करता पान फूल ही मोहरते

थरथर त्यांची हलकीशी पण स्पर्शामधुनी जाणवते

 

निसर्ग आहे भावसखा जो प्रत्येकाला जोजवितो

उदारतेने करीत पोषण जीव जीव तो वाढवितो

 

वसुंधरेला जपुनी आपण कृतज्ञतेने वागावे

मायलेकरे या नात्याला मनापासुनी वंदावे

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #119 – इवलीशी पणती ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 119 – इवलीशी पणती ☆

इवलीशी पणती

वाइवलीशी पणती-यावर डुलते

अंधाराशी कशी

एकटीच भांडते…?

 

अंधाराशी तिचं

मुळीच पटत नाही

एकटीच असते

तरी घाबरत नाही..!

 

तिची ही धडपड

खूप काही शिकवते

उजेडाने तिच्या

अंधाराला पळवते…!

 

तिच्यासारखं मला

धीट व्हायला हवं

तिच्यासारखं जिद्दीने

जगता यायला हवं…!

 

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ वास्तव… ☆ श्री रवींद्र सोनावणी ☆

By Hemant BawankarNo Comments

श्री रवींद्र सोनावणी

? कवितेचा उत्सव ?

☆ 📌वास्तव… ☆ श्री रवींद्र सोनावणी ☆ 

अनेक मरणे बघुन सुद्धा

अजुन आहे जगतो मी

कर्म भोग तो कुणास चुकला

त्यासाठी तर उरलो मी

       

अस्तीत्वा च्या साठीच केवळ

कितीक लढाया लढलो मी

कपटजाल ते मला न कळ ले

स्वकियांकडूनच हरलो मी

 

नाते गोते माया ममता

या साठी किती झुरलो मी

खस्ता खाऊन जीर्ण होऊनी

वस्त्रासम   जणु विरलो मी

 

सुख स्वप्नांची झाली शकले

जोडीत तुकडे फिरलो मी

वेड्यापरी या निळ्या नभाला

ठिगळे लावीत बसलो मी

 

ते तर केवळ मृगजळ होते

शोधीत ज्याला फिरलो मी

वास्तव म्हणजे ज्वलंत विस्तव

इतुके नक्कीच शिकलो मी

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 143 ☆ गझल ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 143 ?

☆ गझल… ☆ सुश्री प्रभा सोनवणे ☆

सांज झाली, संपली की प्रार्थना

एवढे  आता  तरी  तू   ऐकना

 

नाखवा नाही कुणीही सोबती

जीवनाची नाव ही चालेचना

 

पैलतीरा पोचण्याची आस रे

 सागरा आहेस तू आथांग ना

 

 वादळी वाटा कशा मी आक्रमू

तोल जातो चालताना मोहना

 

तार तू वा मार आता या क्षणी

तूच आहे संगती ही भावना

 

ईश्वरा आहेस तू सर्वात्मका

शेवटाची हीच रे आराधना

 

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ऋतूचक्र… ☆ सौ. उज्ज्वला केळकर ☆

By Hemant BawankarNo Comments

श्रीमती उज्ज्वला केळकर

? कवितेचा उत्सव ?

☆ ऋतूचक्र… ☆ सौ. उज्ज्वला केळकर ☆

पाने सुवर्ण होऊन

तरुतळी विसवली

वर हासतात फुले

रत्नझळाळी ल्यालेली

 

आज हसतात फुले

उद्या माती चुंबतील

हसू शाश्वताचं त्यांचं

रस फळांचा होईल.

 

रस जोजवेल बीज

बीज तरु अंकुरेल

पाना फुलांचा सांभार

वृक्ष समर्थ पेलेल.

 

पुन्हा झडतील पाने

फुले मातीत जातील

फळ जोजावेल बीज

बीज वृक्ष प्रसवेल.

© सौ. श्रीमती उज्ज्वला केळकर

संपर्क – 176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.-  9403310170

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #148 ☆ स्वाद त्याचा… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 148 ?

☆ फांदीवरचा काटा… ☆

कळी उमलली गुलाब थोडा फुलला होता

तारुण्याच्या भाराने तो कलला होता

 

मला भावला रंग गुलाबी सौंदर्याचा

तोच रंग मग डोळ्यानेही टिपला होता

 

गुलाब पाहुन सुचल्या होत्या दोनच ओळी

त्या ओळींचा छानच झाला मतला होता

 

गजलेने या कौतुक केले जसे सखीचे

केसामधला गुलाब तेव्हा खुलला होता

 

स्वागत करण्या हात जरासे पुढे धावले

फांदीवरचा काटा तेव्हा डसला होता

 

प्रतिभेच्या ह्या किती पाकळ्या तुझ्या भोवती

त्या प्रतिभेने गुलाब केवळ नटला होता

 

तुझा भास अन् समोर नव्हते कोणी माझ्या

सुगंधात त्या तुझा चेहरा लपला होता

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares