श्री सुजित कदम
कवितेचा उत्सव
☆ सुजित साहित्य # 115 – शब्द…! ☆
मनाच्या खोल तळाशी
शब्दांची कुजबुज होते…
कागदावर अलगद तेव्हा
जन्मास कविता येते…!
शब्दांचे नाव तिला अन्
शब्दांचे घरकुल बनते..
त्या इवल्या कवितेसाठी
शब्दांनी अंगण फुलते…!
शब्दांचा श्वास ही होते
शब्दांची ऒळख बनते..
ती कविताच असते केवळ
जी शब्दांसाठी जगते…!
© सुजित कदम
संपर्क – 117, विठ्ठलवाडी जकात नाका, सिंहगढ़ रोड,पुणे 30
मो. 7276282626
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
माडाचे मनोगत… 
