मराठी साहित्य – कवितेचा उत्सव ☆ गंध अक्षरांचा … ☆ प्रा. सौ. सुमती पवार

By Hemant BawankarNo Comments

प्रा. सौ. सुमती पवार

? कवितेचा उत्सव ?

☆ गंध अक्षरांचा… ☆ प्रा. सौ. सुमती पवार ☆

आली अक्षरे जीवनी गंध रानीवनी गेला

बंध जुळती रेशमी पांघरला जणू शेला

नाती मुलायम किती जणू प्राजक्त बहरे

अक्षरांशी जडे नाते असे नाजुक गहिरे…

 

अक्षरांच्या कुंदकळ्या रातराणी बहरते

जाईजुई तावावर अलगद उतरते

कोरांटीची शुभ्र फुले जणू अक्षरे माळते

पिवळी पांढरी शेवंती रोज मला मोहवते ..

 

दरवळ केवड्याचा माझ्या अक्षरांची कीर्ति

मोतीदाणे झरतात अशी अक्षरांची प्रीती

अनंताचे अनमोल फुल उमलते दारी

रोज घालते जीवन माझ्या अक्षरांची झारी …

 

लाल कर्दळ बहरे चाफा मनात गहिरा

मांडवावर दारात मधुमालती पहारा

गुलाबाच्या शाईने मी कमलाच्या पानांवर

उतरतात अक्षरे पहा रोज झरझर…

 

वर्ख शाईने लावते मोती दाणे हिरेमोती

झोपाळ्यावर अंगणी माझी अक्षरेच गाती

बाळगोपाळांच्या मुखी केली अक्षर पेरणी

गंध आला अक्षरांना दरवळली हो गाणी…

 

काना कोपऱ्यात गेली जणू फुलला पळस

गुलमोहराचा टीळा केशराचा तो कळस

निशिगंध नि मोगरा माझ्या अक्षरांची रास

रोज घालते ओंजळ तुम्हासाठीच हो खास

© प्रा.सौ.सुमती पवार 

नाशिक

(९७६३६०५६४२)

[email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ पारिजात… ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ पारिजात… ☆ श्रीशैल चौगुले ☆

पारिजातावर मन

रेंगाळून रेंगाळून

परिमळ दरवळ

काळजात साकळून.

 

दव थेंब वळवाचे

कसे भाव चिंबाळून

आभाळात इंद्रधनू

सप्तरंग सांभाळून.

 

दिरंगाई पाखरांची

घरट्यात हिंदोळून

कलकल हर्षनाद

रानोमाळी बिंबाळून.

 

सांगूनिया शब्दगुज

वारा वेडा पिसाळून

धरा प्रीत क्षितीजात

पारिजाता कवळून.

 

 © श्रीशैल चौगुले

९६७३०१२०९०

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आणीबाणी… ☆ अनिल (आ.रा.देशपांडे) ☆

By Hemant BawankarNo Comments

? कवितेचा उत्सव ?

☆ आणीबाणी… ☆ अनिल (आ.रा.देशपांडे) ☆

अशा काही रात्री गेल्या, ज्यात काळवंडलो असतो

अशा काही वेळा आल्या,होते तसे उरलो नसतो.

 

वादळ असे भरून आले,तारू भडकणार होते

लाटा अशा घेरत गेल्या,काही सावरणार नव्हते.  

 

हरपून जावे भलतीकडेच,इतके उरले नव्हते भान

करपून गेलो असतो,इतके पेटून आले होते रान.

 

डाव असे पडत होते की,सारा खेळ उधळून द्यावा

विरस असे झाले होते,जीव पुरा विटून जावा.

 

कसे निभावून गेलो,कळत नाही,कळत नव्हते

तसे काही जवळ नव्हते,–नुसते हाती हात होते.

 

 – अनिल (आ.रा.देशपांडे) 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ शब्द तुझे… ☆ सौ .कल्पना कुंभार ☆

By Hemant BawankarNo Comments

सौ .कल्पना कुंभार

? कवितेचा उत्सव ?

☆ शब्द तुझे… ☆ सौ .कल्पना कुंभार ☆

शब्द तुझे

तुझे शब्द

   माझ्या भावना

                       माझ्या भावना

                            तुझी कल्पना

   तुझी कल्पना

       माझी स्वप्ने

                          माझी स्वप्ने

                             तुझे आकाश

     तुझे आकाश

       माझी भरारी

                                 माझी भरारी

                                    तुझी प्रेरणा. .

  तुझी प्रेरणा

     माझी स्पंदने   

                               माझी स्पंदने

                                  तुझी चेतना

 तुझी चेतना

     माझा श्वास

                                  माझा श्वास

                                     तुझे हृदय

   तुझे हृदय

      माझी ओळख

                                   माझी ओळख

                                      तुझे शब्द . .

💞 मनकल्प 💞

© सौ .कल्पना कुंभार

इचलकरंजी

मोबाईल : 9822038378

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सांग पोरी सांग सारे… ☆ कवी मनमोहन ☆

By Hemant BawankarNo Comments

? कवितेचा उत्सव ?

☆ सांग पोरी सांग सारे… ☆ कवी मनमोहन ☆

(सात मे… कवी मनमोहन स्मृतीदिन)

सांग पोरी सांग सारे,

सांग पोरी सांग सारे

लाजतेस का ? सांग सारे //धृ//

 

दोन वेण्या तीनपेडी

घालुनी चढलीस माडी

खालि  येताना परंतू 

         मोकळे सारे पिसारे //1//

 

नीज का ग झोप घेते

पापणीचे लाल पाते

मंद का रात्रीत झाले

       कालचे तेजाळ तारे ? //2//

 

कुंकु भाळी पांगलेले

गाल दोन्ही गुंजलेले

मैत्रिणींशी बोलताना

     अंग तूझे का शहारे ?//3//

 – कवी मनमोहन 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 101 – कळेना मानवा तुजला ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 101 – कळेना मानवा तुजला ☆

जरा परमार्थ जीवाचा, रुचेना मानवा तुजला।

कसा बाजार मोहाचा, कळेना मानवा तुजला।

 

अती धुंदीत पैशाच्या, विसरला माय बापाला।

निरागस भाव प्रेमाचा ,पचेना मानवा तुजला।

 

नको धावू जगी मृगजळ मना भुलवी दिखावा हा।

असा का शोध सत्याचा, लागेना मानवा तुजला।

 

जरी खडतर मनी भासे असा हा मार्ग सौख्याचा।

नसे कष्टाविना प्राप्ती वळेना मानवा तुजला।

 

दिसे सत्ता किती लोभस, मनाला ओढती फासे।

कसे हे पाश मोहाचे, तुटेना मानवा तुजला

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ दूर दूर …☆ सौ. सुचित्रा पवार

By Hemant BawankarNo Comments

सौ. सुचित्रा पवार

? कवितेचा उत्सव ?

☆ दूर दूर … ☆ सौ. सुचित्रा पवार ☆

दूर दूर माळरानात

पेटत्या उन्हाच्या ज्वालेत

गर्द झाडाच्या छायेत

तन-मन करावे शांत शांत

 

हिरव्या हिरव्या डोंगरात

मधूर झरे खळाळत

एकांत क्षणी जावे

पिऊन जलास होण्या तृप्त

 

दूर दूर वेळूच्या बनात

शीळ घुमते कानात

हरवूनी वेळूच्या बेटात

नाद साठवावा अंतरंगात

 

अथांग निळ्या सागरात

लाटांच्या संथ हेलकाव्यात

व्हावे मन पीस पीस

तरंगावे खुशाल जलाशयात

 

उंच उंच किल्ल्यावर

जावे चढणी चढत

पराक्रम आठवून शिवबांचा

स्फुल्लिंग पेटावे रोमरोमात

 

© सौ.सुचित्रा पवार 

तासगाव, सांगली

8055690240

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ साप्ताहिक स्तम्भ #123 – विजय साहित्य – साथ…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 123 – विजय साहित्य ?

☆ साथ…! ☆ कविराज विजय यशवंत सातपुते ☆

बहरली प्रीतवेल

दुःख रंगले सुखात

तुझा लागताच वारा

पडे पक्वान्न मुखात….!..१

 

बहरली प्रीतवेल

नाही ओंजळ रिकामी

तळहाती भाग्यरेषा

तुझ्या विना कुचकामी…!..२

 

अंतरीच्या अंतरात

चाले तुझी वहिवाट

काट्यातल्या गुलाबात

विश्वासाची पायवाट…..!..३

 

बहरली प्रीतवेल

तिथे फिरे तुझा हात

आठवांची मुळाक्षरे

गिरवितो अंतरात….!..४

 

ऊन पावसाळे किती

तुझ्या धामी विसावले

ऋतू जीवनाचे माझ्या

तुझ्या नामी सामावले…!..५

 

बहरली प्रीतवेल

सुखी संसाराची छाया

साथ तुझी पदोपदी

लाभे सौख्य शांती माया….!..६

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ऊनझळा !… ☆ सौ. उज्वला सुहास सहस्रबुद्धे ☆

By Hemant BawankarNo Comments

सौ. उज्वला सुहास सहस्रबुद्धे

? कवितेचा उत्सव ?

☆ ऊनझळा ! … ☆ सौ. उज्वला सुहास सहस्रबुद्धे ☆

फुललेल्या पांगार्याने शिकवले मला,

दु:खातेही कसे हसायचे!

स्वत: झळा सोसून,

दुसर्यांना आनंद द्यायचे!

 

   केशरी पिसारा फुलवीत

    गुलमोहराने केला डौल,

   उन्हाला सांगितले

     मागे घे तुझे पाऊल!

 

  जांभळी,पिवळी तोरणे लावली

      कॅशियाने सभोवती!

  उन्हापासून धरतीला

      शीतलता देती!

 

  निवडुंगानेही साधली

   त्यातच आपली संगती

 लाल लाल बोंडफुलांनी

    सजवली ती हिरवी सृष्टी!

 

© सौ. उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #108 – कामगार…!☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 108 – कामगार…! ☆

परवा आमच्या कारखान्यातला

कामगार मला म्हणाला

आपण आपल्या हक्कासाठी

आदोलन करू.. मोर्चा काढू..

काहीच नाही जमल तर

उपोषण तरी करू…

पण..

आपण आपल्या हक्कासाठी

आता तरी लढू

बस झाल आता हे असं लाच्यारीने जगणं

मर मर मरून सुध्दा काय मिळतं आपल्याला

तर दिड दमडीच नाणं..

आरे..

आपल्याच मेहनतीवर खिसे भरणारे..

आज आपलीच मज्जा बघतात

आपण काहीच करू शकणार

नाही ह्या विचारानेच साले आज

आपल्या समोर अगदी ऐटीमध्ये फिरतात

आरे..

हातात पडणार्‍या पगारामध्ये धड

संसार सुध्दा भागत नाही…!

भविष्याच सोड उद्या काय

करायच हे सुद्धा कळत नाही

महागड्या गाडीतून फिरणार्‍या मालकांना

आपल्या सारख्या कामगारांच जगण काय कळणार..

आरे कसं सांगू..

पोरांसमोर उभ रहायचीही

कधी कधी भिती वाटते

पोर कधी काय मागतील

ह्या विचारानेच हल्ली धास्ती भरते

वाटत आयुष्य भर कष्ट करून

काय कमवल आपण..

हमालां पेक्षा वेगळं असं

काय जगलो आपण..!

कामगार म्हणून जगण नको वाटतं आता..!

बाकी काही नाही रे मित्रा..

म्हटल..एकदा तरी

तुझ्याशी मनमोकळ बोलाव

मरताना तरी निदान कामगार

म्हणून जगल्याच समाधान तेवढ मिळावं…!

म्हणूनच म्हटलं

आपण आपल्या हक्कासाठी

आदोलन करू… मोर्चा काढू…

नाहीच काही जमल तर

उपोषण तरी करू…पण

आपण आपल्या हक्कासाठी आता तरी लढू..

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares