Category: कवितेचा उत्सव 2

 कवितेचा उत्सव  

☆ अप्सरांचे गाणे … ☆ बालकवी ☆ 

सुमनाच्या गर्भामाजी/रसगंगा भरली ताजी//

आलिंगुनि तिज ही बसली/ शुभ्र अद्रिशिखरे सगळी//

सांभाळुनि उतरा बाई/वेळ गडे! स्नानाची ही//

गर्द दाट मधली झाडी/मंद मंद हलवा थोडी//

पराग सुमने इवलाली/नीट बघता पायांखाली/

पुष्पांचा बसला थाट/हळूं हळूं काढा वाट//

गोड सुवासांचे मेघ/आळसले जागोजाग//

जलकणिका त्यांच्या पडती/थंडगार अंगावरती//

स्नान करू झडकरि बाई/पुनित ही गंगामाई//

रवि किरणांचे नवरंगी /रम्य झगे घालुनि अंगी//

गुंजतसे मंजुळ गीते/बैसुनि त्या भृंगावरते//

रंगत मग जगती जाऊ/हसू रूसू गाणी गाऊ//

 –  बालकवी

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. अमृता देशपांडे

 कवितेचा उत्सव 

☆ “मैत्री…” ☆ सौ. अमृता देशपांडे ☆

तुझ्या एका शब्दाने

अशी जादू केली

माझं एकटेपणाचं ओझं

मला हलकं वाटू लागलं

तुझ्या एका कटाक्षाने

अशी जादू केली

माझं दुखावलेलं मन

थोडं शांत शांत झालं

काल अचानक म्हणालास

नको येऊ लागी लागी

वेड्या तुला माझे मन

कधी कळलेच नाही

ऋणानुबंधाची ही गाठ

नको म्हणून तुटत नाही

तुझ्या माझ्या मैत्रीला

अंतराचे भान नाही

तुझ्या यशाच्या कमानी

चढो आनंदाची रास

माझे मन सुखावेल

लागी असो वा असो पैस

तुझ्या नवीन जगात

जरी मला जागा नाही

मन माझे निरपेक्ष

तुला अडवत नाही

कधी आली आठवण

पहा वळून तू मागे

थेट माझ्या डोळ्यांमध्ये

तुझे प्रतिबिंब जागे.

© सौ. अमृता देशपांडे 

पर्वरी – गोवा 

9822176170

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्रभा सोनवणे

☆ गझल… ☆

तुझी आमंत्रणे स्वीकारणेही मानवत नाही

तुला भेटायला येणे तरीही सोडवत नाही

 तुझ्याशी मारल्या गप्पा कधी काळी भरोश्याने

अताशा बोलते आहेस जे ते ऐकवत नाही

 सखे नाते जिव्हाळ्याचे तसे नव्हतेच तेव्हाही

परी होते सुगंधी वाटले ते दरवळत नाही

 तुझ्या माझ्यात ना काही टिकावू , शाश्वतीचेही

पहाता आठवू काही मुळीहीआठवत नाही

 तुझे ही नाव घेताना कृतज्ञच होत राहो मी

दिले होतेस जे काही कधीही विस्मरत नाही

 उन्हाने तापला रस्ता जरासा गारवा लाभो

उकाडा होत असताना कुठेही का पडत नाही

अरे तू मेघराजा ना, धरित्री मारते हाका

असा दाटून आलेला तरी का कोसळत नाही?

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

 कवितेचा उत्सव  

☆ दिवाळी,तो आणि मी… ☆ अनंत काणेकर☆ 

दीपांनी दिपल्या  दिशा !-सण असे आज हा दीपावली.

हर्षाने दुनिया प्रकाशित दिसे आतूनी बाहेरूनी !

अंगा चर्चुनि अत्तरे,भरजरी वस्त्रांस लेवूनिया,

चंद्रज्योति फटाकडे उडविती आबाल सारे जन.

पुष्पे खोवुनि केशपाशी करूनी शृंगारही मंगल,

भामा सुंदर या अशा प्रियजना स्नाना मुदे घालिती.

सृष्टी उल्हसिता बघूनि सगळी आनंदले मानस,

तो हौदावरी कोणासाठी मज दिसे स्नाना करी एकला;

माता,बंधु,बहीण कोणि नव्हते प्रेमी तया माणूस,

मी केले स्मित त्यास पाहूनि तदा तोही जरा हासला.

एखाद्या थडग्यावरी धवलशी पुष्पे फुलावी जशी,

तैसे हास्य मुखावरी विलसले त्या बापड्याच्या दिसे !

तो हासे परि मद्हृदी भडभडे,चित्ता जडे खिन्नता;

नाचो आणिक बागडो जग,नसे माझ्या जिवा शांतता !

 – अनंत काणेकर

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

डॉ मेधा फणसळकर

 कवितेचा उत्सव  

☆ नेम… ☆ डॉ मेधा फणसळकर ☆ 

सूर्य पूर्वेला उजाळे, नेम आहे

फाल्गुनी जळती उन्हाळे, नेम आहे

नित्य फेरा या धरेला, घालतो रे

चंद्र फिरतो अंतराळे, नेम आहे

जन्मती पोटी कहाण्या या नदीच्या

अंतरी लपवी उमाळे, नेम आहे

पावसाचे बरसणे हा, धर्म आहे

मेघ आकाशात काळे, नेम आहे

चक्र सृष्टीचे न थांबे मानवांनो

चालणे हा नित्य इथला नेम आहे.

© डॉ. मेधा फणसळकर

सिंधुदुर्ग.

मो 9423019961

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. पल्लवी ऋषिकेश कुलकर्णी

 कवितेचा उत्सव 

☆ दिला मी हात तुझ्या हाती… ☆ सौ. पल्लवी ऋषिकेश कुलकर्णी ☆

दिला मी हात तुझ्या हाती

मिटल्या अलवार नयनांच्या ज्योति

खोल मनीच्या डोहामध्ये उठले प्रितीचे तरंग

कावरी बावरी मी, झाले तुझ्यातच दंग

आश्वासक स्पर्श तुझा मोहला मनाला

ओढ तिव्र झाली झाले तुझीच राया

बोलला स्पर्श तुझा हळुवार गुज कानी

छेडली देहात अनंत तुझीच प्रित गाणी

एकांत लाभला आज मन झाले पिसापरी

 तुझ्यासवे आसमंती घेईन गगन भरारी

पश्चिमेला मावळेल सुर्य आता केशर उधळीत

असाच हात हातात घ्यावास मावळतीच्या प्रवासात

हातावरील रेषे रेषेतून पाझरतोस तुच आता

हातावरील सुरकुत्यांचा असाच व्हावा सोहळा

© सौ. पल्लवी ऋषिकेश कुलकर्णी 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री दीप्ती कुलकर्णी

 कवितेचा उत्सव  

☆ माझी माय मराठी… ☆ सुश्री दीप्ती कुलकर्णी☆

माझी माय मराठी

माझी माय मराठी

अभिमाने येते ओठी।।ध्रु।।

कवितेसह हर्षे येते

भारुड,गवळण गाते

पोवाड्यातुनी ही रमते

ओव्यांमधुनी ती खुलते।।१।।

विश्वात कथेच्या फुलते

वास्तवास न्यायही देते

शब्दालंकारे सजते

आविष्कारातुनी नटते।।२।।

कादंबरी कधी बनते

अन शब्दांसह डोलते

भेदक,वेधक ती ठरते

सकलां काबिज करते।।३।।

सारस्वतांसी जी स्फुरते

नाट्यातुनी  ही प्रगटते

नवरसातुनी  दर्शविते

विश्वाला स्पर्शही करते।।४।।

माझी माय मराठी

अभिमाने येते ओठी।।

© सुश्री दीप्ति कुलकर्णी

कोल्हापूर

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈