Category: कवितेचा उत्सव 2

श्री प्रमोद वामन वर्तक

 कवितेचा उत्सव  

चवचाल शेंग ! ?  श्री प्रमोद वामन वर्तक  

चवचाल ‘चवळीची’ शेंग

पडे ‘पडवळाच्या’ प्रेमात

उडवू म्हणे लग्नाचा बार

मंडईच्या हिरव्या मांडवात

 

ऐकून बोलणे ‘चवळीचे’

लागे ‘पडवळ’ हसायला

लग्न झाले ‘डाळिंबीशी’

तप लोटली संसाराला

 

हिरमुसली चवळीची शेंग

भिडे लाल भोपळ्याला,

लग्न करशील माझ्याशी

नेईन परदेशी हनिमूनला

 

छान तुझे प्रोपोजल, पण

उशीर केलास विचारायला

उगा कशा लाऊ गालबोट

गवारी सोबतच्या लग्नाला

 

बावचळली चवळीची शेंग

काय करावे तिला सुचेना

आता कांद्या बटाट्या विना

आधार तिला कुणाचा ना

 

© श्री प्रमोद वामन वर्तक

संपर्क – (सिंगापूर) +6594708959, मो – 9892561086, ई-मेल – [email protected]

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ.मंजुषा आफळे

 कवितेचा उत्सव 

☆ एक मात्र मी तरंग… ☆ सौ. मंजुषा आफळे ☆

गजबजलेला गाव इथे

मुखवट्यावर नाना रंग

खरा चेहरा शोधणारा

हा एक मात्र मी तरंग

 

माया मोहात गुंतलासे

अवतीभवतीचा संग

कोण माझा? भेटेल कधी?

रे, एक मात्र मी तरंग

 

आज इथे दिसतात की

वागण्याचे वेगळे ढंग

गर्दीत असा भांबावला

तो एक मात्र मी तरंग

 

कुणीतरी पाठीशी आहे

जाणून घेण्यात मी गुंग

हरलो नाही, ना थांबलो

जो एक मात्र मी तरंग

 

हलकेच परीघ  मोठा

करण्यात सतत दंग

तल्लीन कार्यातच मग्न

बा, एक मात्र मी तरंग

 

क्षणिक अस्तित्व इथले

अर्थपूर्ण जगतो भृंग

निसर्ग गुरुस्थानी असे

नी, एक मात्र मी तरंग

 

ज्ञानकण ते वेचताना

भले ते करण्याचा चंग

यत्न तो देव जाणाणारा

की एक मात्र मी तरंग

 

© सौ.मंजुषा सुधीर आफळे

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

महंत कवी राज शास्त्री

  हे शब्द अंतरीचे # 71  

☆ किंमत अन्नाची…☆

कण कण अन्नाचा

किती आहे महत्वाचा

केव्हा कळेल याची किंमत

दिवस तो कधी उगावायचा…

 

श्रीमंती आहे म्हणून

पार्ट्या कुठे रंगतात

तिथे जेवणारे गर्विष्ठ

अन्न वाया घालवतात…

 

कधी कळेल मर्म अन्नाचे

समजेल कधी महत्व त्यांना

माज द्रव्याचा भिनला अंगी

घालतात ऐसा, हा धिंगाणा…

 

करावी किंमत अन्नाची

ती गरज, आहे नेहमीची

श्रीमंती नसतेच कायमची

सावली पहा, मध्यानाची…

 

© कवी म.मुकुंदराज शास्त्री उपाख्य कवी राज शास्त्री.

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

स्व विष्णु वामन शिरवाडकर ‘कुसुमाग्रज’ 

 

☆ कवितेचा उत्सव ☆ कबुली  ☆ कवी…कुसुमाग्रज ☆

मी आहे

शब्दलंपट-

शब्दांच्या  वारांगना

सज्ज्यावर उभ्या राहून

खुणावतात मला,

कोठल्यातरी दाहक रसायनात

वितळतात सारे प्रतिकार

आणि मी जातो ते बहिष्कृत दरवाजे लोटून

सरळ आत

अर्थाचा हिशेब न करता

 

– स्व विष्णु वामन शिरवाडकर ‘कुसुमाग्रज’

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 

सौ. विद्या वसंत पराडकर

 कवितेचा उत्सव 

☆ कुसुमाग्रज … ☆ सौ. विद्या वसंत पराडकर ☆

| कुसुमाग्रजा ज्ञानपीठ मानकरी तू

  वैविध्याचा असे चित्रकार तू

  तव प्रतिभेची गरुड भरारी

  साहित्य शारदेचा असे पुजारी |

 

| काव्याची फुलवुनी फुलबाग

  विशाखा, जीवनलहरी, वादळवेल

  अन्यायाचा दूर करूनी रोग

  फुलविशी समता बंधुत्वाची वेल |

 

| सामाजिक प्रेमाची ज्योत घेऊन

  जपे माणुसकीचा मंत्र महान

  दुर्दम्य आशेला देउनी अग्रस्थान

 कोलंबसचा गायीला अभिमान  |

| नटसम्राटाचा जणू तू विधाता

  शोकांतिकेचा जणू तू निर्माता

  यशो शिखरावर ही कलाकृती

  रसिक मने जिंकल्याची घेई पावती |

| तव कल्पकतेची किमया भारी

 पृथ्वीच्या प्रेम गीताची उंची न्यारी

 सूर्य पृथ्वीची जोडी गोजिरी

 अमर प्रणय गीताची मूर्ती साजिरी |

 | नाटक, काव्याला यशो मंदिरात बसविले

   कथा कादंबरीला  अंगाखांद्यावर खेळविले

   विविध पुरस्कारांनी तुजला भूषविले

   मातृभाषेचे निशाण उंचविले |

| वर्षा मागून वर्षे सरली

  परी तव कीर्ती ज्योत अमर जाहली

  अजरामर आहे तव साहित्य कलाकृती

  जोवरी आहे शशांक आदित्यची महती |

 

वारजे पुणे.

ई मेल- [email protected]

मो.नंबर – 91-9225337330 

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. स्वाती रामचंद्र कोरे

 कवितेचा उत्सव 

☆ श्वास मराठी… ☆ सौ. स्वाती रामचंद्र कोरे ☆

(रोही पंचाक्षरी रचना)

रोमारोमांत

मनामनांत

माय मराठी

वसे श्वासांत..१

 

असे प्राचीन

भासे नवीन

मायबोलीशी

घट्ट ही वीण..२

 

फुले पालवी

रूप भुलवी

साहित्यातून

मने मोहवी..३

 

नाद घुमतो

नित्य गर्जतो

देश विदेशी

डंका वाजतो..४

 

लोभसवाणे

रूप देखणे

फिके पडते

शुभ्र चांदणे..५

 

भाषा थोरवी

किती वर्णावी

माय माऊली

मनी जपावी..६

 

माज मराठी

साज मराठी

गौरवास्पद

माझी मराठी..७

 

©  सौ. स्वाती रामचंद्र कोरे

भिवघाट.तालुका, खानापूर,जिल्हा सांगली

मो.9096818972

श्री तुकाराम दादा पाटील

 कवितेचा उत्सव 

☆ मराठी माय… ☆ श्री तुकाराम दादा पाटील ☆ 

इंग्रज आले राहून गेले

कौतुक त्यांचे ठेवून गेले

त्याचे सण  साजरे करतो

डोक्यावर घेऊन नाचत बसतो

 

होळी झाली गावठी गड्या

डिसेंबर एंडला मारू उड्या

पाडवा गेला अंधारात

जानेवारीचा धरला हात

 

मराठी माऊली विसरून गेलो

इंग्रजी मावशीचे लाडके झालो

फॅशन  फॅशन खेळत बसतो

आपल्या संस्कृतीला आपण हसतो

 

इंग्रजी म्हणतो किती महान

तिच्याकडे ठेवतो डोके गहाण

असे करुन साधले काय

मराठी मायेची आहेना माय

 

© श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

☆

चुलीवरच्या खमंग भाकरीचा

खमंग वास हवेत पसरता

रविकिरणही मोहात पडले

जाळीदार झरोक्यातुन येते झाले

☆

उजळून टाकले तयांनी

कष्ट करणारे दोन्ही हात

सोन्यासम झळकु लागली

भाकरीपिठासह तीची परात

☆

चुल आपल अग्निहोत्र

शांतपणे चालुच ठेवते

अन्नपूर्णा समोर बसुन

आयुष्य सरकवत  रहाते

☆

©  सुश्री नीलांबरी शिर्के

सुश्री अरूणा मुल्हेरकर

 कवितेचा उत्सव 

☆ भेट देवाची ☆ सुश्री अरूणा मुल्हेरकर ☆ 

उभी होते भर रस्त्यात

भेदरलेली घाबरलेली

कसा करू रस्ता पार

विचाराने भांबावलेली…..

 

अनपेक्षित कोणीतरी

धरला माझा हात

नको भिऊ उगा अशी

देतो तुला साथ…..

 

होता तो अनोळखी

कसनुसे झाले मला

पण सात्विकता नजरेतली

फारच भावली मला….

 

धोतर पैरण वेष त्याचा

भाळावरती टिळा

छेडत होता एकतारी

माला रुद्राक्षाची गळा….

 

ठसले रूप मनात

वाटले भगवंत भेटला

मदत करून मला

दिसेनासा झाला….

 

नाही उरली भीति

सत्य उमगले मला

नाही कोणी अनोळखी

माणसात देव भेटला….

 

©  सुश्री अरूणा मुल्हेरकर

डेट्राॅईट (मिशिगन) यू.एस्.ए.

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈