श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 87 – थांब थोडा ☆
मनी असे हाव।करी धावाधाव।
नसे मुळी ठाव। थांब थोडा।
संतप्त रुधीर । नसावे अधीर।
धरूनिया धीर।थांब थोडा।
कराया प्रगती।निःस्वार्थ सोबती।
धरून संगती।थांब थोडा।
असत्याची गोडी। अधर्मांना जोडी।
मोहपाश तोडी।थांब थोडा।
जपावे नात्यास। जननी पित्यास।
सांगाती नित्यास। थांब थोडा।
अनाथा आधार। दुःखीतांचे भार।
घेऊन उधार। थांब थोडा ।
स्वर्ग आणि नर्क। वाया हे वितर्क।
सदैव सतर्क।थांब थोडा ।
जीवनाचे सार। सात्त्विक विचार।
सोडी अविचार।थांब थोडा ।
© रंजना मधुकर लसणे
आखाडा बाळापूर, जिल्हा हिंगोली
9960128105
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कवितेचा उत्सव 
