मराठी साहित्य – कवितेचा उत्सव ☆ बिपीन रावत आणि सहकारी ☆ श्री सुहास रघुनाथ पंडित

श्री सुहास रघुनाथ पंडित

? ? बिपीन रावत आणि सहकारी ??

(अपघात दुर्घटना:08/12/2021)

 

डाव साधला काळाने अन्

विकट हासले कोणी

मातृभूमीचा एक हुंदका

ऐकू आला कानी.

विजयपताका लहरत होत्या

कोठून आले वादळ

कुशीत बसता कसे यान ते

बनले कर्दनकाळ.

वेढून सा-या सीमा होता

धाक,दरारा पसरत

सूर्य कसा हा लुप्त जाहला

भयाण अंधारात.

पंख छाटता जसा जटायू

हतबल झाला होता

मातृभूमीच्या अंकावरती

टेकविला हो माथा.

धन्य जाहली पंचभूते ती

सामावून घेतले

आई,तुझिया चरणावरती

वाहियली ही फुले.

© श्री सुहास रघुनाथ पंडित

सांगली (महाराष्ट्र)

मो – 9421225491

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ रंजना जी यांचे साहित्य # 84 – आभाळाची प्रीत अनोखी ☆ श्रीमती रंजना मधुकरराव लसणे

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 84 – आभाळाची प्रीत अनोखी ☆

कशी कळावी धरणीला।

अथांग उंची सोडून येते

रोज सखीच्या भेटीला।।धृ।।

प्रातः समयी बघुनी भास्करा

मनी लालीमा खुलते ग

रोज साजनी दाह साहुनी

ओढ अनामीक जळते ग।

तरीही आणतो रोज नव्याने

चंद्र चांदणे भेटीला।।१।।

 

मित्र कसा हा आग ओकतो

किती लाही फुटावी देहाची।

मीही बरसतो अवकाळी

मग तुफान वर्षा गारांची।

इंद्रधनुही साद घालतो

या सुखावलेल्या धरणीला।।२।।

 

नवतीवाणी रोज नटावी

  हा शालू नेसुनी ग पाचूचा।

तुला पाहुनी किती झुकावे

नको अंत पाहू या मैत्रीचा।

आभासी हे मिलन आपुले

परी तोड नसे त्या गोडीला।।३।।

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ जन्मोजन्म आम्ही रचला अभंग ☆ दिलीप पु. चित्रे

दिलीप पु. चित्रे 

Dilip Chitre Whois

(सप्टेंबर १७, १९३८ – डिसेंबर १०, २००९)

? कवितेचा उत्सव ?

☆ जन्मोजन्म आम्ही रचला अभंग ☆ दिलीप पु. चित्रे ☆

 

जन्मोजन्म आम्ही रचला अभंग

जगाचा वादंग सामावून

 

ना मोजल्या मात्रा चालताना यात्रा

असे आमरण व्याकरण

 

उठाठेव करा शब्दार्थांची तुम्ही

आम्ही ओळीतच पांगलेलो

 

मृदंगाशिवाय आम्ही दंगलेलो

विसरून सारी ताललय.

 

दिलीप पु. चित्रे

चित्र साभार :  www.xwhos.com/person/dilip_chitre-whois.html

 

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ ठराव ☆ सौ.मंजुषा आफळे

सौ.मंजुषा आफळे

? कवितेचा उत्सव ?

☆ ठराव ☆ सौ. मंजुषा आफळे ☆

आठवतो का तुजला

शाळेचा रस्ता आपुला

भेटत होतो आपण

सकाळच्या प्रहराला

 

खेळ सुरपारंब्याचा

आठवतो का तुजला

गप्पा गाणी मजेदार

ताण नव्हता कसला

 

चिमणीच्या दातानेच

खाऊ तोडून खाल्लेला

आठवतो का तुजला

सुविचार लिहिलेला

 

उच्च स्वरात प्रार्थना

घरचा अभ्यास भला

खेळाचा तास पहिला

आठवतो का तुजला

 

आठवतो का तुजला

दक्ष करी घंटानाद

सरस्वती प्रांगणात

दिलेली प्रेमळ साद

 

तो दिवस परीक्षेचा

आठवतो का तुजला

नावडता तरी होता

सहज ची संपलेला

 

आज किती दिवसांनी

मनी तरंग उठले

आठवते का तुजला

मोरपीस वहीतले

 

पाहता मनी हसले

सांगावा तो धाडला

ठराव आधीच झाला

आठवतो का तुजला

 

© सौ.मंजुषा सुधीर आफळे

११/११/२०२१

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कविता ☆ साप्ताहिक स्तम्भ # 104 – नाती जपूया ☆ कविराज विजय यशवंत सातपुते

कविराज विजय यशवंत सातपुते

? साप्ताहिक स्तम्भ # 104 – विजय साहित्य ?

☆ नाती जपूया  कविराज विजय यशवंत सातपुते ☆

 

आद्य गुरू मायबाप

स्थान त्यांचे अंतरात

नाती जपूया प्रेमाने

भावस्पर्शी काळजात …१

 

आज्जी आजोबा घराचे

सौख्य समृध्दी दालन

तत्त्वनिष्ठ संस्कारांचे

ध्येयवादी संकलन … २

 

काका, काकू, मामा,मामी

आत्या मावशीचा बोल

कधी धाक , कधी लाड

भावनांचा समतोल …३

 

मित्र मैत्रिणीचे नाते

काळजाचा गोतावळा

सुख दुःख समाधान

असे उरी कळवळा …४

 

नाते बंधु भगिनींचे

वैचारिक छत्रछाया

घास अडतसे ओठी

धावतसे प्रेममाया …  ५

 

नाते सहजीवनाचे

लेणे सासर माहेर

नाती जपूया प्रेमाने

देऊ काळीज आहेर…६

 

© कविराज विजय यशवंत सातपुते 

सहकारनगर नंबर दोन, दशभुजा गणपती रोड, पुणे.  411 009.

मोबाईल  9371319798.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ समई मधील वात ☆ सुश्री संगीता कुलकर्णी

सुश्री संगीता कुलकर्णी

? कवितेचा उत्सव ?

☆ समई मधील वात ☆ सुश्री संगीता कुलकर्णी ☆ 

समईतील ती शुभ्र वात

पसरूनी धुक्याची दुलई

पर्वा ना शुभ्र तमाची

मनी तेवते तव आठवणींची समई..

 

मन समईची वात मंद तेवते

त्यात मी पण जळते

मन सोने उजळता

मन सावळेची होते..

 

नयनातील काजळी

उगीच मना दुखविते

कोठूनी तो झरोका

आशा-किरण दाखविते…

 

दाखविते वाट

मनाच्या अंधारात

अंतरंग ते माझे

उगीच मंद हासते..

 

त्या किरणातूनी आशा

मजकडे  पाहते

निराशलेले मन माझे

क्षणभरी आनंदते…!!

 

©  सुश्री संगीता कुलकर्णी 

लेखिका /कवयित्री

ठाणे

9870451020

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ सुजित साहित्य # 90 – गोष्ट..! ☆ श्री सुजित कदम

श्री सुजित कदम

? साप्ताहिक स्तंभ – सुजित साहित्य #90 ?

☆ गोष्ट..! ☆

 

माझा बाप

माझ्या लेकरांना मांडीवर घेऊन 

गावकडच्या शेतातल्या खूप गोष्टी सांगतो..

तेव्हा माझी लेकरं

माझ्या बापाकड हट्ट करतात

राजा राणीची नाहीतर परीची 

गोष्ट सांगा म्हणून तेव्हा..

बाप माझ्याकडं आणि मी बापाकड 

एकटक पहात राहतो

मला…

कळत नाही लेकरांना

कसं सांगाव 

की राजा राणीची आणि परीची 

गोष्ट सांगायला 

माझ्या बापान कधी अशी स्वप्न

पाहिलीच नाहीत..,

त्यान..

स्वप्न पाहिली ती फक्त..

शेतातल्या मातीची

पेरणीनंतरच्या पावसाची..,

त्याच्या लेखी 

नांगर म्हणजेच राजा 

अन् माती म्हणजेच राणी 

मातीत डोलणारी पिक म्हणजेच

त्यान जिवापाड जपलेली परी…,

 

© सुजित कदम

पुणे, महाराष्ट्र

मो.७२७६२८२६२६

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ कुलुप ☆ श्रीमती अनुराधा फाटक

श्रीमती अनुराधा फाटक

? कवितेचा उत्सव ?

☆ कुलुप ☆ श्रीमती अनुराधा फाटक ☆ 

आजी नावाचं एक कुलुप

असतं बहुतेक घरात

किल्लीही त्याची असते

सर्वांच्याच खिशात !

कुलुप उघडण्याचा

असतो सदाच हुरुप

घेण्यासारखे आजीचे

असतेच खूप खूप !

कधी लाडीक हट्टाने

तर कधी कौतुकाने

किल्ली फिरवली जाते

हवे नको घेतले जाते !

आजीजवळ मात्र नसते

तिच्याच कुलपाची किल्ली

मायापाशात हरवलेली आजी

मूग गिळून गप्पच बसते !

© श्रीमती अनुराधा फाटक

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ तुझा पंथ गे… ☆ श्री हरिश्चंद्र कोठावदे

? कवितेचा उत्सव ?

☆ तुझा पंथ गे… ☆ श्री हरिश्चंद्र कोठावदे ☆ 

 

तुझा पंथ गे तुला मोकळा

माझ्यामार्गे मला जाउ दे

कोसळेल जे अभाळ सारे

प्राणावरती मला वाहु दे !

 

     प्राणसखा तो तुटला तारा

     माझ्यासाठी विझले अंबर

     अग्निहोत्र हे जीवन आता

     धुमसत राहिल माझे अंतर !

 

रुतून राहिल गच्च उरी ही

मंतरलेली सुरी दुधारी

प्राणांतिक काळीज कळवळो

जखम वाहती ठेविन मी ही !

 

     लाल लाल अन् कभिन्नकाळी

     वाहत राहिल धारा झुळझुळ

     येउन मिळतिल स्रोत आंधळे

     गात विराणी खळखळ खळखळ !

 

विस्तारत मी जाइन तेंव्हा

डोह आंधळा अथांग होइन

दीपकळी पण अपुली हळवी

तरंगात मी तेवत ठेविन !

 

     वाळुरणीही असेल बरसत

     तव स्मरणांची रिमझिम सखये

     जरी जाहलो बेपत्ता मी

     तुलाच शोधित असेन सखये !

© श्री हरिश्चंद्र कोठावदे

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ रिकामे मधुघट…. ☆ भास्कर रामचंद्र तांबे

भास्कर रामचंद्र तांबे

भा. रा. तांबे

? कवितेचा उत्सव  ?

 ☆ रिकामे मधुघट…. ☆ भास्कर रामचंद्र तांबे ☆ 

मधु मागशि माझ्या सख्या ,परी 

  मधुघटचि रिकामे पडती घरी /ध्रृ/

 

आजवरी कमळांच्या द्रोणी

मधु पाजिला तुला भरोनी,

सेवा ही पूर्विची स्मरोनी,

करि रोष न सखया,दया करी   //1//

 

नैवेद्याची एकच वाटी

अता दुधाची माझ्या गाठी ;

देवपुजेस्तव ही कोरांटी

बाळगी अंगणी कशीतरी  //2//

 

तरूण-तरूणिंची सलज्ज कुजबुज,

वृक्षझ-यांचे गूढ मधुर गूज,

संसाराचे मर्म हवे तुज,

मधु पिळण्या परी बळ न करी ! //3//

 

ढळला रे ढळला दिन सखया !

संध्याछाया भिवविती ह्रदया,

अता मधूचे नाव कासया ?

लागले नेत्र रे पैलतिरी  //4//

 

–  भास्कर रामचंद्र तांबे

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares