मराठी साहित्य – कवितेचा उत्सव ☆ निरोप ☆ सौ राधिका भांडारकर

By Hemant BawankarNo Comments

सौ राधिका भांडारकर

?  कवितेचा उत्सव ? 

☆ निरोप ☆ सौ राधिका भांडारकर ☆

आला गणराया

दहा दिवस राहिला

मंगलमूर्तीने

कोपरा उजळला…

 

आरत्यांच्या गजरात

टाळ मृदुंग नादात

नैवेद्याच्या सुगंधात

आनंदाची बरसात…..

 

हरल्या चिंता

हरले वाद

मन झाले मुक्त

होता गणाशी संवाद….

 

निरोपी एक वचन

कास धरु सत्याची

नको क्रोध मद मत्सर

कर्मे करु मानवतेची

 

गणेशाचे निर्गुणत्व

मृत्तीका जल तत्व

पूजीली मूर्ती सगुणाची

विसर्जनी पावे एकतत्व..

 

निरोप देता उदास मन

जरी माझे मोरया

दृढ विश्वासे विनवितो

पुढच्या वर्षी लवकर या……

 

© सौ. राधिका भांडारकर

पुणे

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

 

Please share your Post !

Shares

मराठी साहित्य – कवितेचा उत्सव ☆ पुढल्या वर्षी….. ☆ श्री प्रमोद वामन वर्तक

By Hemant BawankarNo Comments

श्री प्रमोद वामन वर्तक 

? कवितेचा उत्सव ?

⭐ पुढल्या वर्षी….. ? श्री प्रमोद वामन वर्तक ⭐

दहा दिवसांचा सोहळा

आता उद्या संपन्न होणार,

वाजत गाजत आले बाप्पा

वाजत गाजत जाणार !

 

          वेळ होता आरतीची

          कानी घुमेल झांजेचा नाद,

          गोडधोड प्रसादाचा पुन्हा

          पुढल्या वर्षी मिळेल स्वाद !

 

जातील परत चाकरमानी

घरी आपल्या मुंबईला,

येऊ पुढल्या वर्षी लवकर

सारे बाप्पाच्या तयारीला !

 

          घर मोठे गजबजलेले

          आता शांत शांत होईल,

          सवय होण्या शांततेची

          वेळ बराच बघा जाईल !

 

होता उद्या श्रींचे विसर्जन,

रया जाईल सुंदर मखराची,

पण घर करून राहील मनी

मूर्ती मखरातल्या गणेशाची !

 

© श्री प्रमोद वामन वर्तक

१८-०९-२०२१

(सिंगापूर) +6594708959

मो – 9892561086

ई-मेल – [email protected]

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ रंजना जी यांचे साहित्य # 72 – किती उगा झुरायचे…? ☆ श्रीमती रंजना मधुकरराव लसणे

By Hemant BawankarNo Comments

श्रीमती रंजना मधुकरराव लसणे 

☆ रंजना जी यांचे साहित्य # 72 – किती उगा झुरायचे…? ☆

(वृत्त – देवप्रिया, लगावली –गालगाल गालगाल गालगाल गालगा)

आठवात गुंतुनी,  किती  उगा झुरायचे

श्रावणातल्या सरी, तरी मनी  जळायचे….!

 

स्वार्थ साधण्यास गोड, बोलतात माणसे

प्रेम शोधुनी तयात का उगा रडायचे….!

 

मीच भक्ष जाहले , अनेक रंग पाहुनी

रंग बदलणे तुझे,  कधी मला कळायचे….!

 

कृष्ण भेटतो कुणास,द्रौपदीसमान त्या

तू स्वतःस रक्षण्या, स्वतःस ओळखायचे…!

 

पंख लाभता नवीन, पाखरे उडायची

प्रेत आठवातले तुला, पुन्हा छळायचे….!

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कविता ☆ साप्ताहिक स्तम्भ # 89 – आयुष्याचे धडे . .  ! ☆ कविराज विजय यशवंत सातपुते

By Hemant BawankarNo Comments

कविराज विजय यशवंत सातपुते

? साप्ताहिक स्तम्भ # 89 – विजय साहित्य ?

☆ ✒ आयुष्याचे धडे . .  ! ✒  कविराज विजय यशवंत सातपुते ☆

 

आयुष्याशी घेतो बोलून

जगणे उसवत जाताना

शब्दांच्या अर्कात नांदतो

एकेक कविता जगताना. . . . !

 

सुखदुःखाचे चाळ बांधतो

अनुभव सारे टिपताना .

शब्दांच्या विश्वात राहतो

भावभावना सजताना.. . . . !

 

धगधगत्या जीवनाची गाथा

बाप आठवे रडताना.

आयुष्याचे धडे गिरवतो

माय माऊली स्मरताना. . . . !

 

जबाबदाऱ्यांचे ते कुंपण

या जीवनाच्या परिघाला.

शब्दांच्या परीघात रंगतो

ह्रदयसुता ही खुलताना.. . . . .!

 

© कविराज विजय यशवंत सातपुते 

सहकारनगर नंबर दोन, दशभुजा गणपती रोड, पुणे.  411 009.

मोबाईल  9371319798.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ तू लाडका गणपती ☆ सौ. स्वाती रामचंद्र कोरे

By Hemant BawankarNo Comments

सौ. स्वाती रामचंद्र कोरे

? कवितेचा उत्सव ?

☆ तू लाडका गणपती ☆ सौ. स्वाती रामचंद्र कोरे ☆

तुझ्या पूजनाने सारी कार्ये सिद्धीस जाती,,,

प्रथम पुजती सारे तुला तू लाडका गणपती,,,

 

चौदा विद्या चौसष्ट कलांचा तू अधिपती,,,,

सुखकर्ता दुःखहर्ता चिंतामणी असा तू लाडका  गणपती,,,,

 

रूपे विविध तुझी भक्तजना मोहवती,,,

करतो तू भक्तांच्या मनोकामना पूर्ती तू लाडका गणपती,,,,

 

रिद्धी सिद्धीचा नायक तू गुणा धिपती,,,,

नेवैद्य मोदकांचा तुला अर्पिती तू लाडका गणपती,,,

 

तुझ्या आगमनाचा आनंद मानावा आम्ही किती,,

फुलांची आरास दीपमाळा सजती तू लाडका गणपती,,,,

 

मूषकावर असे तुझी स्वारी तू मंगल मूर्ती,,,

टळो कोरोना संकट ही एकच विनंती तू लाडका गणपती,,,

 

©  सौ. स्वाती रामचंद्र कोरे

खानापूर,जिल्हा सांगली

मो.9096818972

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ श्रीगणेश ☆ श्रीशैल चौगुले

By Hemant BawankarNo Comments

श्रीशैल चौगुले

? कवितेचा उत्सव ?

☆ श्रीगणेश ☆ श्रीशैल चौगुले ☆

आत्मतृप्तीचा देव

विघ्नविनाशक भाव

ब्रम्हांडाचा कृपाकर

श्रीगणेश.

ज्ञानदानाचा आद्य

वेदांत प्रतिपाद्य

सजीवबुध्दि साध्य

श्रीगणेश.

पंचभूताचा सर्वेश

शिव-पार्वती पुत्र

विधीलिखीचा नाथ

श्रीगणेश.

सुखकर्ता-दुःखहर्ता

कर्ता नि करविता

तोच देव देह आत्मा

श्रीगणेश.

 

© श्रीशैल चौगुले

९६७३०१२०९०

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ – ☆ सुजित साहित्य # 78 – स्वप्न…! ☆ – श्री सुजित कदम

By Hemant Bawankar2 Comments

श्री सुजित कदम

☆ साप्ताहिक स्तंभ – सुजित साहित्य #78 ☆ 

☆ स्वप्न…! ☆ 

पावसात भिजताना “तिला”

आठवणारा मी

आज माझ्या फुटपाथ वरच्या झोपडीची

तारांबळ बघत होतो

आणि…

पावसाचं पाणी झोपडीत येऊ नये म्हणून

माझ्या माऊलीची चाललेली धडपड

नजरेत साठवत होतो

इतक करूनही..झोपडीत

निथळणार पाणी थेट तिच्या

काळजाला भिडत होत

आणि…

काय कराव या विचारानेच

तिच्या डोळ्यात पाणी कसं

अगदी सहज दाटत होत

कुटुंबातली लेकरं

अर्ध्या-मुर्ध्या कपड्यावर

मनसोक्त भिजत होती

माझी माय मात्र

आपल्या तुटपुंज्या संसाराची

स्वप्ने आवरत होती

तिची स्वप्ने म्हणजे तरी

काय असणार?

एका बंद पेटीत कोंडलेली चार दोन भांडी

आणि संसारा प्रमाणे फाटलेली

बोचक्यात बांधुन ठेवलेली काही लुगडी

फुटपाथ वरच्या संसारात

असतच काय खरतर

आवरायला कमी आणि सावरायला जास्त

कुठेही गेल की

चुल तेवढी बदलत जाते आणि..

फिरता संसार घेऊन फिरणार्‍या

माझ्या माऊलीची स्वप्न मात्र

ती बंद पेटीच पहात असते…!

 

© सुजित कदम

पुणे, महाराष्ट्र

मो.७२७६२८२६२६

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ रमती गौराईच्या पूजनी ☆ सौ. मुग्धा कानिटकर

By Hemant BawankarNo Comments

? कवितेचा उत्सव ?

☆रमती गौराईच्या पूजनी ☆ सौ. मुग्धा कानिटकर ☆ 

      आईचा सांगावा ऐकून

माहेरवाशीण येई धावून

सख्या साऱ्या जमून

संसारी व्यथा सोडून

रमती गौराईच्या पूजनी

जाई जीवन उजळुनी ( १)

 

नेसून साडी नऊवार

लेवून नथ मोत्यांचा सर

माळून मोगऱ्याची माळ

शोभे चाफ्याचे  फूल

रमती गौराईच्या पूजनी

जाई जीवन उजळुनी (२)

 

समजून   नाती घेता

उमजून नव्या प्रेरणा

मेळवून जुन्या नव्या

सामावून घेत पिढ्या

रमती गौराईच्या पूजनी

जाई जीवन उजळुनी ( ३)

 

उणेदुणे जाती विसरून

अंगणी फुगड्या खेळून

झिम्मडती आनंदी होऊन

गाणी गौराईची गाऊन

रमती गौराईच्या पूजनी

जाई जीवन उजळुनी( ४)

 

© सौ. मुग्धा कानिटकर

सांगली

फोन 9403726078

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ गौराई ☆ सौ.ज्योत्स्ना तानवडे

By Hemant BawankarNo Comments

सौ.ज्योत्स्ना तानवडे

? कवितेचा उत्सव ?

☆ ?  गौराई  ? ☆ सौ.ज्योत्स्ना तानवडे ☆ 

आल्या ‘गौराई’ या घरी

विराजिल्या मखरात

त्यांच्या प्रसन्न कृपेची

करिताती बरसात !!

 

दारा तोरण बांधिले

रांगोळीचे रेखाटन

त्यांच्यासाठी दारापुढे

सजविले वृंदावन !!

 

ज्येष्ठा कनिष्ठा बहिणी

गोड माहेरवाशिणी

त्यांच्या माहेरी येण्याने

डोळा आनंदाचे पाणी !!

 

कौतुकाच्या ग पाहुण्या

किती करून त्यांचे लाड

त्यांच्यासाठी रांधियले

नाना पदार्थ हे गोड !!

 

किती गाऊ त्यांचे गुण

त्यांच्या गुणा नाही पार

दोन दिस आल्या तरी

त्यांचा वास सालभर !!

 

माझी माऊली दयाळू

सर्वांवरी कृपा करी

तुझ्या समृद्धीच्या खूणा

ठेव आई घरी दारी !!

 

तुझ्या समृद्धीच्या खूणा

ठेव आई घरी दारी !!

 

© सौ.ज्योत्स्ना तानवडे

वारजे, पुणे.५८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ कवितेच्या प्रदेशात # 102 ☆ प्रार्थना ☆ सुश्री प्रभा सोनवणे

By Hemant Bawankar1 Comment

सुश्री प्रभा सोनवणे

? साप्ताहिक स्तम्भ – कवितेच्या प्रदेशात # 102 ?

☆ प्रार्थना ☆

येवो प्रचंड शक्ती या प्रार्थनेत माझ्या

कोमेजल्या फुलांना  चैतन्य दे विधात्या

 

आयुष्य लागले हे आता इथे पणाला

हे ईश्वरा सख्या ये प्राणास वाचवाया

 

अगतिक नको करू रे तू धाव पाव नाथा

साई तुझ्या कृपेची आम्हा मिळोच छाया

 

लागो तुझ्याच मार्गी ओढाळ चित्त रामा

सारी तुझीच बाळे सर्वांस रक्षि राया

 

हे बंध ना तुटावे सांभाळ या जिवांना

देवा तुझ्याच हाती प्रारब्ध सावरायला

 

सा-या जगाच साठी मागेन दान दाता

आता पुन्हा नव्याने बहरोत सर्व बागा

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares