Category: कवितेचा उत्सव 2

सुश्री नीलांबरी शिर्के

डॉ. मधुवंती कुलकर्णी 

 कवितेचा उत्सव 

☆ काही चारोळ्या… ☆ डॉ. मधुवंती कुलकर्णी ☆

☆

१.

ओंजळभर वेचावीत सुगंधित फुले 

पडलाय मखमली अलवार प्राजक्तसडा

किती समजावलं मनाला हळुवार 

तरी एकटक पहात रहातो हा जीव वेडा

२.

श्रावणसरी बरसल्या अन् फुलले चाफे

चाफ्यातून डोकावते आरस्पानी सौंदर्य 

मनाच्या अंधुकशा गाभाऱ्यात तेवणारे 

तेजस्वी झळाळी आणणारे अवीट माधुर्य

३.

मंगळागौरीच्या खेळात सजते श्रावण गीत

झिम्मा फुगडी आनंदात सरी कोसळती

माहेरच्या अंगणात गोपींचा चढे थाटमाट 

कान्हा व्याकूळ आसवे गाली ओघळती

४.

सणांची ही रेलचेल गोपी माहेरात दंग

गाई गुरे कान्ह्यासाठी आणि आठवणींचा संग

कधी संपेल हा ऋतू कधी भेटेल प्रेमिका

मनातील सरींमध्ये कधी भिजेल राधिका

☆

© डॉ. मधुवंती कुलकर्णी

जि.सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ.उज्वला सुहास सहस्त्रबुद्धे

  कवितेचा उत्सव  

☆ पाऊल खुणा… मनी रुजल्या… ☆ सौ.उज्वला सुहास सहस्त्रबुद्धे ☆

☆

अलगद उचलून हात बाजूला

सोडून गेला कान्हा मजला !

साद तयाला घालीत गेले,

मनी उमटल्या पाऊलखुणा !

*

 एकटी राहिली यमुना तटी,

 राधा कदंब वृक्षाखाली,

 वाट पहाते कान्ह्याची मनी,

 मनात रुजे प्रीती आगळी !

*

 मोरपीस घेऊनी प्रीतीचे,

 सोडून गेला कान्हा तिला !

 पण कान्ह्याची प्रीत निराळी,

 शिरी घेई राधेच्या प्रीतीला !

*

 मनी रुजल्या प्रीतीचा गंध,

 आसमंती तो दरवळला !

 जेथे कान्हा, तेथे राधा,

 आनंद मनी तो फुलला !

☆

© सौ. उज्वला सुहास सहस्रबुद्धे

श्रीशैल चौगुले

 कवितेचा उत्सव 

☆ अखंड फेरे… ☆ श्रीशैल चौगुले ☆

(प्रस्तुत काव्यविषयास सुप्रसिध्द हिंदी कवी ‘अज्ञेय’ (वात्सल्यायन) यांच्या हिंदी रचनेचा आधार.)

☆

झेप पाखरा, घे नभात तू

पवित्र तृणपाती हाती घेऊन

असे घेरुनी टाक नभाशी

जीवन तुझे संकटे पार होऊन.

*

जाग्र झाली सृष्टी उषःप्रभा

तुच सोबती तुझ्या यशाचा

तृणपाती बळ जगण्याचे श्वास

मृदमाता झळक उषेचा.

*

पंखात भविष्य अजिंक्य भरारी

भय कुणाचे कशास मनी

उंच-उंच घे झेप चक्षुंनी दिव्य

अमर होई तव ती बांधणी.

*

दृढ निश्चय कापीत लक्ष व्यूह

उद्या सुखाचे निश्चिंत आयुष्य

व्यापून टाकशील नभ क्षितीजे

विश्वास तुझे तृणपाती सदृश्य.

*

आवाहन पेलणे जन्म सार्थकी

सातत्य भिरभिरणे कर्म तुझे

फळ तृणपाती पवित्र देईल

बघ किरण स्वागता तुला पुजे.

☆

© श्रीशैल चौगुले

सुश्री नीलांबरी शिर्के

सौ राधिका भांडारकर

(मनस्पर्शी साहित्य परिवार आयोजित काव्यस्पर्धा – विषय : “अजून स्वाभिमान जाज्वल्य” – आपल्या समूहातील ज्येष्ठ लेखिका / कवयित्री सुश्री राधिका भांडारकर यांची या स्पर्धेत उत्कृष्ट ठरलेली ही कविता. आपल्या ई-अभिव्यक्ती समूहातर्फे राधिकाताईंचे हार्दिक अभिनंदन आणि असंख्य शुभेच्छा.💐)

 कवितेचा उत्सव 

☆ “स्वत्व…” ☆ सौ राधिका भांडारकर ☆

(दिंडी वृत्त)

☆

नकोच वाटते मला दया माया 

आहेत वाटा कितीतरी अजून 

चालेन त्यावर जरी एकटी मी

जाज्वल्य आहे स्वाभिमान अजून..

*

सारे मुखवटे भासतात मजला 

का घ्यावे दान मी त्यांच्याकडून 

कशाला व्हावे मिंधे कोणाचे 

जाज्वल्य आहे स्वाभिमान अजून 

*

नको लाचारी वा हाजी हाजी

प्रतिमाच माझी ठेवेन टिकवून 

धमन्यात आहे सळसळता प्रवाह

जाज्वल्य आहे स्वाभिमान अजून

*

खोट्यापुढे का तुकवायची मान

मुलाम्याला का जायचे मोहून 

स्वत्वच राखेन प्रश्नाला भिडून 

जाज्वल्य आहे स्वाभिमान अजून

*

आक्रमण माझ्या जर अस्तित्वावरी

केले कुणी तर त्यांना डावलून 

सिद्ध करेन मी माझ्या स्त्रीत्वाला 

जाज्वल्य आहे स्वाभिमान अजून 

☆

© सौ. राधिका भांडारकर

ई ८०५ रोहन तरंग, वाकड पुणे ४११०५७

मो. ९४२१५२३६६९

[email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. नेहा लिंबकर

 कवितेचा उत्सव 

☆ माझे असे काय ? ☆ सौ. नेहा लिंबकर ☆

☆

काय वाहू तुझे चरणी 

देवा, माझे असे काय?

*

तन, मन, धन सारे 

तुझे देणे हाय 

काय वाहू तुझे चरणी 

माझे असे काय ?

*

आस, ध्यास, श्वास सारे 

तुझ्या कृपे न्याय्य 

काय वाहू तुझे चरणी 

माझे असे काय?

*

दया माया बुद्धी गुणे 

पावो तुझे पाय

काय वाहू तुझे चरणी 

माझे असे काय?

*

याची देही पाहू डोळा 

तूच माझी माय 

काय वाहू तुझे चरणी 

माझे असे काय? 

*

रूप चित्ती राहो सदा 

नाम सर्वकाळ 

काय वाहू तुझे चरणी 

माझे असे काय?

*

श्रद्धा, भक्ति पूजेवरी 

पाव एक वार 

काय वाहू तुझे चरणी 

माझे असे काय?

देवा, माझे असे काय 

☆

© सौ.  नेहा लिंबकर

पुणे 

मो – 9422305178

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष मुळे

 कवितेचा उत्सव 

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री अपर्णा परांजपे

 कवितेचा उत्सव 

☆  आतुरता आगमनाची… ☆ सुश्री अपर्णा परांजपे ☆

(काय विरोधाभास हा.. )

☆

जीवन खरा विरोधाभास 

कधी नको काही मजला 

कधी व्याकूळ आस 

जीवन खरा विरोधाभास||धृ||

*

“श्रेयस” शिकता शिकता,

 “प्रेयस” निसटले काही

“प्रेयस” शिकले जेव्हा

 “श्रेयस” निसटते काही

“उभय” साधले जेव्हा 

नाही कोणती आस..

जीवन खरा विरोधाभास||१||

*

प्रेम करू गेलो तर द्वेष मनी उमटला 

द्वेष करू गेलो तर प्रेम हृदयी ठाकले 

“उभय” साधले ( निर्लेपता) जेव्हा नाही कोणती आस 

जीवन खरा विरोधाभास||२||

*

ज्ञानार्जन करता करता 

अध्यात्म कसा विसरलो

अध्यात्म साधता साधता 

ज्ञान कसे सुटले? 

“उभय” साधले जेव्हा नाही कोणती आस 

जीवन खरा विरोधाभास||३||

*

“मी मी” म्हणता म्हणता 

“परमात्मा” कसा निसटला

परमात्मा आतच असूनी 

(जीव )दूर कसा भरकटला

“उभय” साधले जेव्हा 

नाही कोणती आस 

जीवन खरा विरोधाभास||३||

*

विरोध हाच “भास” आहे 

हेच समजले जेव्हा 

वर्तूळ जाहले पूर्ण 

“मी पण” सुटले जेव्हा 

“उभय” साधले जेव्हा 

नाही कोणती आस 

जीवन खरा विरोधाभास||४||

*

विरोधातच जीवन फुलते 

“अद्वैत” कळण्याकरता

अद्वैत शिल्लक उरले 

विरोध संपण्याकरिता 

“उभय” साधले जेव्हा 

नाही कोणती आस 

जीवन खरा विरोधाभास||५||

*

आतच ईश्वर आहे 

रममाण जीव हा झाला 

“मी मी” करता करता 

“आतच” तल्लीन झाला 

उभय साधले जेव्हा 

नाही कोणती आस 

जीवन “नाही” विरोधाभास || ६||

*

जीवन पूर्णत्वाची रास

जीवन पूर्णत्वाची आरास…

नरनारायण मीलन घडता

“नाही” विरोधाभास…..

☆ 

🌹 भगवंत हृदयस्थ आहे 🌹

© सुश्री अपर्णा परांजपे

कात्रज, पुणे

मो. 9503045495

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈